首頁 即時娛樂

李佳芯唔清楚「新約」加辣 陳豪玩騷肌玩到「震波」

06/07/2020 18:16:00
陳豪今日表現好High,好好笑。
陳豪今日表現好High,好好笑。

今日,陳豪(Mo)與李佳芯(Ali)出席新劇《殺手》宣傳活動,穿緊身恤衫的阿Mo化身爆肌咖啡師,不時做健美先生式嘅騷肌動作好好笑,他笑言:「只要大家開心,犧牲少少有乜所謂!」

阿Mo表示拍畢《誇世代》後養成健身習慣,但身形久不久「翻漲」,所以更會注意飲食,他又自言「守身如玉」,但因女藝人不肯脫便由他頂上。提到日前與家人到沙灘玩水,見太太陳茵媺包到冚,他笑言沒有不准太太穿泳衣,因為大家都忙湊小朋友,最重要是着得舒服。

陳豪一家去游水,對於老婆着得好密實佢話老婆要湊仔。
陳豪一家去游水,對於老婆着得好密實佢話老婆要湊仔。
陳豪係咁擺健美先生Pose。
陳豪係咁擺健美先生Pose。

講到阿Mo晒肌上陣,拍檔Ali自言不是行脫的路線,阿Mo即笑說「我也不是呀」更即時「震波」,Ali即笑指自己連除衫都冇嘢睇。二人都表示喜歡看《殺手》,Ali更興奮表示劇集改變了朋友嘅習慣,由唔睇劇變成追劇。而阿Mo自爆待小朋友睡覺後再爬起身睇,笑言因不懂得如何向小朋友解析何謂殺手。

有指無線新約將「加辣」,若藝人因個人行為及言論造成損失,將由藝人一力承擔後果。Ali對此表示不知情,問續約若「加辣」會肯簽嗎?她說:「續約再算,我份約未有耐。(可會加在現有合約上?)冇聽過。」

其他文章
hd