首頁 即時娛樂

【頭條獨家】新劇升呢第二男主角 馬貫東獲鼓勵朝好演員努力

06/07/2020 23:00:00
馬貫東今次在《那些我愛過的人》升呢第二男主角,他坦承獲得鼓勵會朝好演員方向努力。
馬貫東今次在《那些我愛過的人》升呢第二男主角,他坦承獲得鼓勵會朝好演員方向努力。

入行10年的馬貫東,最近在劇集《那些我愛過的人》終於有機會升呢第二男主角,但因戲份重令他緊張外,角色「古希晨」有亞氏保加症(自閉症一種)又是個醫生,使他要花更多時間做事前準備。對於自16年憑《愛·回家之八時入席》「十仔」一角獲提名「飛躍進步男藝員」後,演出機會愈來愈多,阿東對於受重視感到很大鼓勵,會繼續努力做個好演員。採訪:杜淑霞

阿東07年參加藝員訓練班入行,他一直只想做過好演員而非明星。
阿東07年參加藝員訓練班入行,他一直只想做過好演員而非明星。
阿東跟連詩雅在劇中首次演夫妻,由於他有亞氏保加症不擅與人溝通鬧出不少問題。
阿東跟連詩雅在劇中首次演夫妻,由於他有亞氏保加症不擅與人溝通鬧出不少問題。




為了演活「古希晨」,阿東事前下了不少苦功,「監製安排咗我同幾個亞氏保加症患者見面,我帶佢哋參觀電視城,同佢哋食飯,又同佢哋傾咗好多嘢,對呢個病了解多咗,又睇好多書了解呢種病,希望做出嚟效果神似,最重要係唔好令人對呢個病有誤解。另外,演醫生都要背好多專業名詞,呢方面都唔容易㗎!」

劇中阿東演醫生「古希晨」,事前要花不少時間背專業名詞。
劇中阿東演醫生「古希晨」,事前要花不少時間背專業名詞。
未合作前,阿東有點驚林文龍,但合作後當然改觀。
未合作前,阿東有點驚林文龍,但合作後當然改觀。



一切由「十仔」而來

劇中阿東跟連詩雅首演夫妻,他雖然跟「老婆」首度合作,但過程相當愉快,「佢雖然成日話自己拍劇經驗少,但係佢演戲經驗好多,所以好容易夾得嚟,唔會好難溝通。」反而初次跟前輩林文龍合作,令阿東十分緊張,「我哋之前完全冇合作過,感覺佢好嚴肅,見到面覺得佢氣場好勁,但相處落其實佢好講得笑,又會好配合後輩,係個好好嘅前輩。」



阿東16年憑《愛·回家之八時入席》「十仔」一角獲提名「飛躍進步男藝員」
後,之後再憑《愛·回家之開心速遞》「秦博思」提名「最佳男配角」,令演出機會愈來愈多,他坦承確實是很大鼓勵,「其實由《鐵馬戰車》嘅『揚明』,到《愛·回家》嘅『十仔』都好多謝觀眾嘅喜愛,特別係『十仔』真係帶畀我好多得着,開始多人認識咗,亦都多咗機會,呢啲係好正面嘅鼓勵,我會努力向住做個好演員去行。」

因合作《那些我愛過的人》,阿東跟黃翠如、連詩雅和陳自瑤成為好友。
因合作《那些我愛過的人》,阿東跟黃翠如、連詩雅和陳自瑤成為好友。
阿東17年憑《愛·回家之開心速遞》「秦博思」獲提名「最佳男配角」。
阿東17年憑《愛·回家之開心速遞》「秦博思」獲提名「最佳男配角」。
其他文章
hd