首頁 即時娛樂

【頭條獨家】合作《地產仔》預冇老友做 吳肇軒胡子彤靠「兄弟打」消氣

06/07/2020 22:30:00
吳肇軒和胡子彤合作拍《地產仔》時,已預了冇老友做,後來更創出「兄弟打」來互相消氣。
吳肇軒和胡子彤合作拍《地產仔》時,已預了冇老友做,後來更創出「兄弟打」來互相消氣。

吳肇軒和胡子彤最近首次拍住擔正ViuTV新劇《地產仔》,雖然兩人認識多時,但初次有大量對手戲,他們坦承預了拍完該劇可能更老友或者冇兄弟做,好彩合作後無論在公在私都更了解。不過,兩人自爆期間不時意見不合,有次更搞到差點反面收唔到科。完成該劇後,兩人創出「兄弟打」,讓對方任打消氣,令兄弟間冇隔夜仇。採訪:杜淑霞 服裝:Sandro(吳肇軒)、O.N.S(胡子彤)

軒仔和子彤感情好到每日都見,仲會不時鬧交,但笑言床頭打交打尾和。
軒仔和子彤感情好到每日都見,仲會不時鬧交,但笑言床頭打交打尾和。
劇中「狐飛」(軒仔)和「盲雞」(子彤)由同學仔變成地產舖同事,拍住上齊齊賣樓。
劇中「狐飛」(軒仔)和「盲雞」(子彤)由同學仔變成地產舖同事,拍住上齊齊賣樓。




軒仔和子彤由於同經理人公司,平日有好多其他合作機會,但合作一套20集劇集,對足4個月,絕對是第一次,兩人事前有晒心理準備可能出事,軒仔說:「我哋拍拍吓都預咗一係會更加friend,一係會冇兄弟做。」子彤解釋,「因為大家做嘢都會有唔同意見,難免有拗撬。」

為了賣樓,劇中「狐飛」和「盲雞」跟「陸進」(Stanley )和「肥龜」(肥腸)出盡法寶。
為了賣樓,劇中「狐飛」和「盲雞」跟「陸進」(Stanley )和「肥龜」(肥腸)出盡法寶。
軒仔笑指戲裏戲過都視Yanny(陳穎欣)為女神,但完全不會過電。
軒仔笑指戲裏戲過都視Yanny(陳穎欣)為女神,但完全不會過電。




為逝世媽咪努力工作


原來,軒仔和子彤不但經常意見分歧,仲搞到差點反面,軒仔說:「我哋成日話我哋係演員唔係明星,嗰日拍攝有啲
Over咗,我要一次過就幾部機,佢看在眼裏就以為我講一套做一套,到佢拍我就提佢要就個位唔係用唔到。」子彤再說:「我嗰時語氣忟咗,答佢『黐線,我淨係為個戲好咋喎!』佢聽完行咗去,我就知賴嘢,好彩嗰晚傾番,其實佢拍劇經驗多過我,佢係知趕所以咁做。」完劇後,兩人創出「兄弟打」來維持關係,子軒說:「我哋只要叫『兄弟打』,對方就要佢打消氣,咁樣兄弟就冇隔夜仇。」




該劇開拍前半個月,軒仔媽咪因癌病過身,子彤都讚他相當專業,完全冇影響工作,「不過佢收工就玩到好癲好反常,我咪叫佢坐低吓傾吓,但講兩、三句佢就喊,知佢要靠玩減壓就由得佢。」軒仔謂媽咪是他頭號粉絲,所以會做好工作,「我第一套戲,佢帶朋友去睇咗七、八次,我有報導佢仲快過經理人轉發畀我,佢好支持我演藝工作,所以我會努力工作唔會令佢失望。」

身為家中獨子的軒仔跟父母感情要好,媽媽過身後會他好好照顧爸爸。
身為家中獨子的軒仔跟父母感情要好,媽媽過身後會他好好照顧爸爸。
「兄弟打」除軒仔和子彤外,原來還適用於其餘兩位兄弟朱鑑然和林家熙。
「兄弟打」除軒仔和子彤外,原來還適用於其餘兩位兄弟朱鑑然和林家熙。
其他文章
hd