首頁 即時娛樂

一家人暢遊新娘潭留影   老公成功幫胡杏兒踼走甲組腳

07/07/2020 11:30:00
一家人暢遊新娘潭留影,杏兒成功晒長腿,要畀個叻攝影師老公。
一家人暢遊新娘潭留影,杏兒成功晒長腿,要畀個叻攝影師老公。

胡杏兒和老公李乘德(Philip)不時喺網上分享同大仔李奕霆(Brendan)可愛嘅照片,昨日杏兒趁住唔使開工拍Viu TV劇《熟女強人》,就撇低細仔李奕霖(Ryan),帶咗大仔Brendan,聯同老爺、奶奶去大埔遊山玩水,參觀高度達15米嘅景點「新娘潭瀑布」及「新娘潭」。兩公婆加埋阿囝一家三口除咗坐喺岩石上互動影相晒溫馨外,着住灰膠鞋短褲嘅杏兒,仲好識得玩角度嚟擺長腿甫士,她着攝影師老公「低炒」嚟影相,咁就好成功搣走她的甲組腳啦!杏兒留言不忘大讚兩歲Brendan徒步旅行中表現出色,尤其對昆蟲,魚類及其他都好著迷。陳凱琳大讚sweet!唔少網民大讚Brendan好cute,好叻仔,仲有人留意到杏兒晒腿相,讚她一雙長腿太誘人。

 

至於老公李乘德就分享攝影作品,其中一張瀑布下,一家三口頭頂出現彩虹係精選作品,另外,他又拖住囝囝小心奕奕行山背影,好有愛。他還留言:「度過了美好的一天,我們很幸運。」

瀑布下,一家三口頭頂現彩虹係Philip精選作品。
瀑布下,一家三口頭頂現彩虹係Philip精選作品。
杏兒大讚Brendan徒步旅行中表現出色。
杏兒大讚Brendan徒步旅行中表現出色。

兩公婆笑容一致,好有夫妻相。
兩公婆笑容一致,好有夫妻相。
Philip哄囝囝玩騎牛牛。
Philip哄囝囝玩騎牛牛。

李乘德拖住大仔行山。
李乘德拖住大仔行山。
杏兒老爺、奶奶有份參與享受家庭樂。
杏兒老爺、奶奶有份參與享受家庭樂。
其他文章
hd