首頁 即時娛樂

【出海喇!】黃建東Chok墨魚初體驗 黃美棋克服大海恐懼考潛水牌

07/07/2020 13:00:00
夏天熱辣辣,黃美棋和黃建東近日亦分別出海玩!
夏天熱辣辣,黃美棋和黃建東近日亦分別出海玩!

夏天熱辣辣梗係要玩水啦!近日不少藝人已經出動去沙灘日光浴、出海玩Wakesurf等,最近黃美棋(美棋BB)就跟男友鍾健威(Ray)去考潛水牌,但早前Ray爆料指女友原來唔熟水性,連搭船都要食暈浪丸,美棋BB昨日就於IG貼出潛水照,並留言解釋:「因為我想睇多D(啲)魚仔,海龜、海洋生物!叫咗Ray哥陪我學,點知佢突然加咗廿匹,黎(嚟)緊已經考AO!!我真係佩服... 而我呢??又暈船浪又驚吸唔到氣又要成日調水壓又怕水母,阿sir對住我成日哭笑不得,無激暈佢已經算係咁....哈哈,到底我考唔考到O牌呀?下回分解,而家唯有食住雞胸睇魚仔先啦。」見美棋BB要挑戰茫茫大海的恐懼,仍能在鏡頭前Chok住擺甫士影相,難怪Ray都大讚:「確實係型嘅!」

不諳水性的黃美棋跟男友鍾健威(左)一起去考潛水牌。
不諳水性的黃美棋跟男友鍾健威(左)一起去考潛水牌。
下水前黃美棋Chok爆留影,連男友都讚型!
下水前黃美棋Chok爆留影,連男友都讚型!

此外,黃建東昨晚就選擇夜間出海Chok墨魚,初次體驗的他似乎都有唔少收穫,仲拎住啲墨魚仔開心合照,黃建東寫道:「第一次chok墨魚,原來真係要不停咁chok chok chok,不過唔知點解人哋輕輕鬆鬆釣到十幾廿條,我搞咗成晚身水身汗先得嗰四條... 不過新鮮墨魚真係好好食,鮮味到暈~」其實第一次釣到4條都好叻喇,不過佢早前唔係先話要減肥咩?夜晚晚仲食?係咪又放棄咗喇?

黃美棋稱想睇多啲海洋生物先「的」起心肝去考潛水牌。
黃美棋稱想睇多啲海洋生物先「的」起心肝去考潛水牌。
黃建東首次體驗夜間出海Chok墨魚。
黃建東首次體驗夜間出海Chok墨魚。

黃建東笑言搞咗成晚身水身汗先釣得四條!
黃建東笑言搞咗成晚身水身汗先釣得四條!
黃建東大讚新鮮墨魚好好食,鮮味到暈!
黃建東大讚新鮮墨魚好好食,鮮味到暈!
其他文章
hd