首頁 即時娛樂

【頭條獨家】唔介意全裸拍激情戲 蘇皓兒講明露股露背乜都得

07/07/2020 20:04:00
Chloe近日憑《那些我愛過的人》中,又Pure又True的「學生妹Look」及一雙招牌長腿,成功俘虜巴打們升呢「女神」!
Chloe近日憑《那些我愛過的人》中,又Pure又True的「學生妹Look」及一雙招牌長腿,成功俘虜巴打們升呢「女神」!

有「翻版周慧敏」之稱的蘇皓兒(Chloe)近日首度參演無線劇《那些我愛過的人》,身高1.66米的她憑着又Pure又True的「學生妹Look」及一雙招牌長腿,成功俘虜巴打們升呢「女神」!由歌、模界轉戰電視圈的Chloe直言豁出去,只要角色需要唔介意拍激情戲,就算全裸不露點,露靚股及玉背都得,非常搏命!撰文:黎寶倫攝影:李維隆髮型:Will Yu@The Attic化妝:Melody Chiu

Chloe感激網民封她為「翻版周慧敏」,令觀眾更記得她。
Chloe感激網民封她為「翻版周慧敏」,令觀眾更記得她。
Chloe仍積極上戲劇、唱歌班,並希望能歌影視三棲發展。
Chloe仍積極上戲劇、唱歌班,並希望能歌影視三棲發展。

前女子組合As One出身的蘇皓兒,早年憑拍檸檬茶廣告而獲封「翻版周慧敏」,由於長髮造型侷限了角色和工作,私下性格活潑外向的她索性剪短頭髮,令她接Job量更為廣泛。轉戰模界後,Chloe又踩入電視圈,首拍無線劇《那些我愛過的人》,劇中飾演林文龍(龍爺)女兒,並跟顧定軒和李任燊有感情線,她直言未見龍爺前好緊張,接觸後發現對方好Nice,「開拍前佢都有搵我傾偈,嗰次係試拍,佢問如果改呢句對白你會點接,好彩做咗功課都答到佢,印象都OK,所以正式開拍時就冇咁緊張。(對方爆肚接唔住?)有少少,龍爺經驗豐富,我都學到好多嘢。」

與林文龍飾演兩父女的Chloe指對方私下不嚴肅,仲教她做戲。
與林文龍飾演兩父女的Chloe指對方私下不嚴肅,仲教她做戲。
劇中Chloe將螢幕初吻獻給李任燊。
劇中Chloe將螢幕初吻獻給李任燊。

三點不露
現階段Chloe主力在演戲方面發展,早前還夥小肥拍網劇《把砒霜留給自己》,此次她更突破自己演私影妹,當中亦不乏性感造型,例如跟閨密影性感吊帶睡衣照,平時晒長腿居多的她笑謂:「我都有好努力攞啲嘢岀嚟畀人睇。」問到可介意作性感演出?Chloe大方表示:「如果拍嘢就唔係好介意,我覺得角色需要都冇問題,好正常。(底線?)劇情合理嘅話都有得傾,都唔介意拍激情戲。(全裸都得?)唔露(三點)嘅全裸囉,背同Pat Pat都OK。」

在網劇《把砒霜留給自己》的Chloe大騷長腿。
在網劇《把砒霜留給自己》的Chloe大騷長腿。
As One時期的Chloe(左一)一頭長髮好斯文。
As One時期的Chloe(左一)一頭長髮好斯文。
其他文章
hd