首頁 即時娛樂

【頭條獨家】政府派錢群星各有使法 家燕姐all in買防疫用品

07/07/2020 23:00:00
政府派錢,好多藝人都有申請。
政府派錢,好多藝人都有申請。

政府現金發放計劃已陸續有市民收到一萬蚊,首批合共派出315億元,是本港最大型的一次過派錢計劃。問到家燕姐、黃翠如、陳展鵬、黎耀祥、森美、黃智賢、江美儀、李司棋及黃澤鋒點用呢筆「政府回水」?好多人都話會預少少捐出去,真係好人一生平安。

家燕姐 「今日疫症又爆發,好驚呀!嗰一萬蚊用嚟買防疫用品,好似口罩、清潔消毒劑,希望疫情快啲走啦!先排我都捐咗啲口罩畀老人家,佢哋真係有需要。」
家燕姐 「今日疫症又爆發,好驚呀!嗰一萬蚊用嚟買防疫用品,好似口罩、清潔消毒劑,希望疫情快啲走啦!先排我都捐咗啲口罩畀老人家,佢哋真係有需要。」
黃翠如
「因為我領養番嚟嘅狗仔小六隻腳有事,要長期打骨針,所以有咗呢筆錢,就會當係佢嘅保健基金!」
黃翠如 「因為我領養番嚟嘅狗仔小六隻腳有事,要長期打骨針,所以有咗呢筆錢,就會當係佢嘅保健基金!」

黎耀祥 「嗰一萬蚊當然要刺激消費使咗佢啦,《殺手》喺8月7號大結局,最好用嚟請《殺手》台前幕後食飯睇大結局,如果幾個同劇主要演員,好似陳豪咁,一齊攞埋嚿錢出嚟請食飯,仲可以食豪啲,呢個安排係咪好Perfect呢?」
黎耀祥 「嗰一萬蚊當然要刺激消費使咗佢啦,《殺手》喺8月7號大結局,最好用嚟請《殺手》台前幕後食飯睇大結局,如果幾個同劇主要演員,好似陳豪咁,一齊攞埋嚿錢出嚟請食飯,仲可以食豪啲,呢個安排係咪好Perfect呢?」
森美
喺疫情期間曾經成為隔離家庭的森美原先話冇諗到一萬蚊點使,後來又改變主意:「先儲起二千蚊,再用二千蚊晚飯,二千蚊買書睇增進知識,用二千蚊買份禮物𠱁老婆開心,二千蚊買口罩同搓手液,當然仲要買定糧油,分分鐘又預備喺屋企被隔離,以備不時之需。」
森美 喺疫情期間曾經成為隔離家庭的森美原先話冇諗到一萬蚊點使,後來又改變主意:「先儲起二千蚊,再用二千蚊晚飯,二千蚊買書睇增進知識,用二千蚊買份禮物𠱁老婆開心,二千蚊買口罩同搓手液,當然仲要買定糧油,分分鐘又預備喺屋企被隔離,以備不時之需。」

陳展鵬 「應該會捐一部份,其他未決定,因為啲錢未到手,到咗再算!」
陳展鵬 「應該會捐一部份,其他未決定,因為啲錢未到手,到咗再算!」
黃智賢
「買啲Coupon畀三個女游水啦!海灘又驚污糟,去啲有暖水游池嘅地方啦!又可以買盒靚靚嘅水彩畀我老婆啦!等佢開心啲去畫畫啦!𠵱家啲油彩好貴吓,政府幫補咗好多,多謝晒呀!」
黃智賢 「買啲Coupon畀三個女游水啦!海灘又驚污糟,去啲有暖水游池嘅地方啦!又可以買盒靚靚嘅水彩畀我老婆啦!等佢開心啲去畫畫啦!𠵱家啲油彩好貴吓,政府幫補咗好多,多謝晒呀!」
江美儀 「會將部份捐出嚟,幫襯明哥買飯票幫助社會低下階層,因為幫到人就好啦。」
江美儀 「會將部份捐出嚟,幫襯明哥買飯票幫助社會低下階層,因為幫到人就好啦。」
黃澤鋒
「阿囡聽日一歲生日,雖然我哋唔主張買禮物,但係生日蛋糕一定要有,所以有咗呢筆錢就會買靚啲嘅蛋糕,另外我自己會換過部新款手機,因為老婆嗰部真係影得阿囡好靚,我成日都輸畀佢㗎!」
黃澤鋒 「阿囡聽日一歲生日,雖然我哋唔主張買禮物,但係生日蛋糕一定要有,所以有咗呢筆錢就會買靚啲嘅蛋糕,另外我自己會換過部新款手機,因為老婆嗰部真係影得阿囡好靚,我成日都輸畀佢㗎!」
李司棋 「我將一萬蚊捐咗畀一個朋友,佢先生生病,日日以淚洗面,冇辦法啦!其實幫咗人個心係舒服,係好開心嘅,助人為快樂之本嘛!」
李司棋 「我將一萬蚊捐咗畀一個朋友,佢先生生病,日日以淚洗面,冇辦法啦!其實幫咗人個心係舒服,係好開心嘅,助人為快樂之本嘛!」
其他文章
hd