首頁 即時娛樂

封大利是畀「侄仔」   陳敏之被陳山聰催促追B

08/07/2020 11:30:00
陳敏之送上祝福利是畀「侄仔」,山聰、伍詠薇同敏之竟興奮到唔記得戴口罩。
陳敏之送上祝福利是畀「侄仔」,山聰、伍詠薇同敏之竟興奮到唔記得戴口罩。

陳山聰於7月1日榮升爸爸,老婆誕下可愛囝囝Jaco,跟陳山聰情如兄弟姊妹嘅伍詠薇(伍姑娘)同陳敏之興奮到不得了,繼日前急不及待去探B,3人大跳開心舞後,「升呢」「姑姐」嘅敏之仲給初生「侄兒」大利是,祝福BB快高長大。

敏之喺IG上載合照,留言說:「最美的畫面,人生除了結婚,生BB也是最幸福的,生過的就懂了,阿哥變陳爸爸了,大家看着大家成長,看到陳山窿2.0誕生,姑姐表示開心又欣慰,又能娶到靚靚賢妻,可喜可賀!#重回舊地#同一間房#美好回憶」

山聰乘機催促敏之快啲再生,敏之馬上收到說:「知嘞!DLCF」有細心網民卻發現3人對住初生小B竟然冇戴口罩,喺疫情反覆狀況下,即作出溫馨提示:「探bb都唔戴口罩?就算影相都要戴住!」敏之受教,回應係嘅!

 

陳敏之送上大利是。
陳敏之送上大利是。
陳山聰、伍詠薇同陳敏之日前大跳開心舞慶祝。
陳山聰、伍詠薇同陳敏之日前大跳開心舞慶祝。

山聰搵到個好老婆,仲有個心肝寶貝仔。
山聰搵到個好老婆,仲有個心肝寶貝仔。
山聰喺片場開心Share 可愛BB寫真畀唐詩詠睇。
山聰喺片場開心Share 可愛BB寫真畀唐詩詠睇。

山聰催促返育有一子嘅敏之快啲追B。
山聰催促返育有一子嘅敏之快啲追B。
山聰為咗賺奶粉錢,做咗爸爸依然好搏。
山聰為咗賺奶粉錢,做咗爸爸依然好搏。
其他文章
hd