首頁 即時娛樂

借老公袁劍偉生日狂谷新戲 林嘉欣畀粉絲笑:放閃無可疑

09/07/2020 10:00:00
林嘉欣坐喺老公袁劍偉大髀準備吹蠟燭,真係好溫馨。
林嘉欣坐喺老公袁劍偉大髀準備吹蠟燭,真係好溫馨。

呢排忙住為主演嘅電影《死因無可疑》宣傳嘅林嘉欣,噚日竟然為咗一個人連出三個Post,無他咁重要嘅人當然係老公袁劍偉,正因係老公牛一,嘉欣梗係緊張啲啦!第一個Post放咗個生日蛋糕相,寫住:「袁導演,生日無可疑,快樂無可疑,健康無可疑」跟住朋友送嘅禮物相,壓軸登場嘅就係嘉欣坐住老公大髀齊齊準備吹蠟燭嘅相,再寫:「你知道的...不說了」當中仲hashtag住「#才華無可疑#幸福無可疑#細心無可疑#型男無可疑#堅持無可疑#甜蜜無可疑#GOODTAKE無可疑#導演無可疑#入樽無可疑#贏波無可疑#得分無可疑」雖然係借生日狂谷套新戲,但呢套係佢同老公合作嘅第二套作品,宣傳吓都好應該嘅,最搞鬼係有粉絲好配合話「放閃無可疑」。

網友睇見這張相,都大讚兩夫妻超sweet。
網友睇見這張相,都大讚兩夫妻超sweet。
蛋糕寫住:「愛你無可疑,滿座無可疑」。
蛋糕寫住:「愛你無可疑,滿座無可疑」。

禮物包裝都係同戲名有關㗎!
禮物包裝都係同戲名有關㗎!
早前嘉欣跟老公、陳家樂和湯怡齊齊出席電影首映禮。
早前嘉欣跟老公、陳家樂和湯怡齊齊出席電影首映禮。

其他文章
hd