首頁 即時娛樂

切洋蔥唔覺意騷勁fit身形 湯怡爆腹肌蔣家旻江嘉敏都𥄫

09/07/2020 10:30:00
湯怡嘅靚腹肌,真係靠努力做運動㗎!
湯怡嘅靚腹肌,真係靠努力做運動㗎!

疫情下有人患「疫情肥」,不過亦有人因為疫情多咗時間做運動,令身形變得更fit,其中一個肯定係湯怡。呢日佢只係整嘢食切個洋蔥,仲留言:「好多人都好怕切洋蔥,切粒覺得麻煩,仲會切到流哂眼水,咁唯有犧牲我自己幫大家切喇,唔,原本企喺我隔離果啲一早行到無雷公咁遠,但見我切到笑哂口,就知無事啦,傻嘅有竅門嫁喇,係估唔到自己切到爆哂青筋姐」。但係因為湯怡着住件露腰裝,即時被蔣家旻發現寫話:「重點係爆腹肌」而呢排好惹是非嘅江嘉敏亦加把口話:「錯重點了」不過湯怡𠵱家嘅身形,真係女仔睇見都忍唔住𥄫啦!

湯怡切個洋蔥,竟然變咗晒腹肌。
湯怡切個洋蔥,竟然變咗晒腹肌。
湯怡排靚腹肌,真係好令人羡慕。
湯怡排靚腹肌,真係好令人羡慕。

不時做瑜伽。
不時做瑜伽。
仲有健身。
仲有健身。

亦唔少得行山。
亦唔少得行山。
行緊山做埋瑜伽都試過。
行緊山做埋瑜伽都試過。
其他文章
hd