首頁 即時娛樂

【晒狗狂魔】同「三仔」林滔愈嚟愈似樣 林曉峰帶狗散步興奮狂自拍

09/07/2020 12:00:00
阿Lo日前帶愛犬外出散步。
阿Lo日前帶愛犬外出散步。

睇嚟林曉峰(阿Lo)而家錫愛犬多過兩個仔!自從年初養了小柴柴林滔後,阿Lo個IG帳戶幾乎9成都係「三仔」林滔的萌照,而大仔林寶和幼子林熙呢?粗略計算,100張都有兩、三張嘅,他仲成日自稱跟林滔好有「父子相」,唔知兩個寶貝仔會唔會呷醋呢?最近,可能因疫情「閉關」得太耐,阿Lo便頻頻帶林滔外出散步鬆鬆筋骨,而呢期他就興叫愛犬「皇上」,又自稱「小LO子」,林滔地位果然超然!

阿Lo瘋狂幫愛犬林滔影相。
阿Lo瘋狂幫愛犬林滔影相。
真係好得意!
真係好得意!

日前於IG晒合照時,阿Lo則冧道:「同皇上拍拖,小LO子深感榮幸,唔知可唔可以矖到同皇上同色呢?」不少網民即笑指「兩父子」一模一樣,有人更搞笑稱:「同色還帶漸變色。」這個嘛,有點難度喎!昨晚,阿Lo再貼出新一輯照片,Cute爆的林滔熱到伸晒脷,阿Lo亦跟住一齊吐舌Selfie,網民們留言都係嗰句:「你哋愈嚟愈似樣,連條脷都似埋。」可想而知佢哋有多相似!其後,阿Lo補發一張一家三口照,細仔林熙終於有份出鏡,他寫道:「一家人,總有機會遇上,回宮途中,遇上親王 @jakelmb ,皇上 @lambto9 十級興奮。」哦,原來係撞到先影番張相。

阿Lo又興奮狂自拍!
阿Lo又興奮狂自拍!
阿Lo仲學愛犬伸脷。
阿Lo仲學愛犬伸脷。

網民指「兩父子」愈嚟愈似樣。
網民指「兩父子」愈嚟愈似樣。
回家途中巧遇細仔林熙。
回家途中巧遇細仔林熙。
阿Lo話想矖到同林滔同色,笑爆!
阿Lo話想矖到同林滔同色,笑爆!
阿Lo經常自稱同林滔似樣。
阿Lo經常自稱同林滔似樣。
阿Lo連瞓覺都黐實林滔。
阿Lo連瞓覺都黐實林滔。
大仔林寶(左)和幼子林熙(右)在阿Lo的IG曝光率相對少。
大仔林寶(左)和幼子林熙(右)在阿Lo的IG曝光率相對少。
其他文章
hd