首頁 即時娛樂

【頭條戲場】《無定向喪心老友記》耆英爆Seed保家園

10/07/2020 09:00:00
19年,電影代表阿根廷出戰金球獎最佳外語片力。
19年,電影代表阿根廷出戰金球獎最佳外語片力。

《無定向喪心老友記》係2019年阿根廷全國票房亞軍,亦代表阿根廷出戰金球獎最佳外語片。電影翻拍自76年阿根廷經典cult片《Yesterday's Guys Used No Arsenic》,刪減Out咗的情節及主題,保留原作的瘋狂黑色幽默及懸疑元素。由三個Uncle演員加一個Auntie演員孭飛,全部影帝影后級,因為對白夠Mean,串人鬧人直插入心,好笑夠毒超鍾意,片長129分鐘,完全唔覺。(剛上映)撰文:廖思慧

由阿根廷國寶級女星Graciela Borges飾演嘅Mara好鍾意懷緬過去,成日喺大宅重演攞影后獎一刻。
由阿根廷國寶級女星Graciela Borges飾演嘅Mara好鍾意懷緬過去,成日喺大宅重演攞影后獎一刻。
左起Mara嘅廢柴老公即前演員Pedro、狠辣導演Norberto及惡毒編劇Martin。
左起Mara嘅廢柴老公即前演員Pedro、狠辣導演Norberto及惡毒編劇Martin。

布宜諾斯艾利斯郊區有棟鄉郊大宅,入面住咗四個人,分別係曾經光芒四射嘅女星Mara(Graciela Borges飾)、佢個廢柴老公即前演員Pedro(Luis Brandoni飾)、狠辣導演Norberto(Oscar Martínez飾)及惡毒編劇Martin(Marcos Mundstock飾),後兩者同Mara以前合作無間,亦同Pedro好老友,三個雄性耆英每日釣魚、打獵同打桌球過日辰,悶咩?咁退休係咁㗎啦。

三位耆英發現有陌生人入侵,因為食鹽多過食米,一望就知人性好與壞。
三位耆英發現有陌生人入侵,因為食鹽多過食米,一望就知人性好與壞。
呢兩個人好靚又成日笑笑口,一睇就知係壞人。
呢兩個人好靚又成日笑笑口,一睇就知係壞人。

陌生人當然要小心
咪以為有錢又有大屋住好好,其實Mara一直頂唔順老公嘅兩個死黨。一日,一對幾靚嘅年輕男女「闖入」四人的生活,當然呢個「闖」字唔係咁簡單。一直都話,有陌生人失驚無神對你好,九成九有蠱惑。然後Mara「驚覺」自己個名仲係好響,旁人歡呼吶喊搞到佢唔想再匿喺枯燥大宅同三個臭男人共度餘生,決意賣屋兼復出,三件雄性耆英決心捍衛佢哋嘅樂土,多場正邪食腦攻心計大鬥法展開,睇到我係咁笑出聲。
電影屬舞台劇式喜劇,劇本過癮,解構人性好到肉,一個演員都唔識,但睇得好開心。

男壞人把口好勁,𠱁到Mara願意賣樓復出。
男壞人把口好勁,𠱁到Mara願意賣樓復出。
因為壞人嘅推波助瀾,Mara自我感覺良好決定復出。
因為壞人嘅推波助瀾,Mara自我感覺良好決定復出。
毒編劇第一次見女壞人就知佢想點,女壞人都知佢難對付。
毒編劇第一次見女壞人就知佢想點,女壞人都知佢難對付。
其他文章
hd