首頁 即時娛樂

疫情下舉行公司周年晚宴   蔚雨芯感恩美容生意不跌反升

11/07/2020 11:00:00
作為老闆的蔚雨芯見到「小鮮肉」姜濤,忍唔住和生意拍檔及大會司儀林秀怡來個自拍。
作為老闆的蔚雨芯見到「小鮮肉」姜濤,忍唔住和生意拍檔及大會司儀林秀怡來個自拍。

蔚雨芯(Rainky)有份投資的美容生意,昨晚筵開15席舉行周年晚宴,請來姜濤、林秀兒、陳嘉桓、《愛回家》的張明偉等做嘉賓,蔚雨芯更開金口和張偉明合唱。提到近日香港疫情反彈,周年晚宴安排將枱與枱之間分隔開啲,保持社交距離,而且由侍應負責分餸,讓嘉賓安心進食,又會注意衛生。Rainky感恩因為係網上生意為主,疫情下好多人留在家中網購,反而有錢賺,不計成本每個月過百萬生意額,也明白員工盡心盡力,希望可以在逆市下加人工。

 

之前她自爆為內地網絡電影演出時誤傷一名女前輩,她表示拍攝跳舞轉身戲,不小心篤到對方的眼,意外後全場靜了3分鐘,她更加緊張,好擔心有事拍唔到:「雖然女前輩個氣勢好強,但就冇鬧我,不過,以後我會盡量避開佢,去第二度化妝囉!因為之後曾畀佢捉住去第度,問返關於我嘅嘢,了解我吓囉!」

歌手出身的蔚雨芯技癢,上台和張偉明合唱英文歌。
歌手出身的蔚雨芯技癢,上台和張偉明合唱英文歌。
變身商界女強人,Rainky冇以前咁性感。
變身商界女強人,Rainky冇以前咁性感。

姜B曾經係200磅大肥仔,Rainky特地邀請他做表演及跟現場貴賓分享減肥心得。
姜B曾經係200磅大肥仔,Rainky特地邀請他做表演及跟現場貴賓分享減肥心得。

其他文章
hd