首頁 即時娛樂

日落慈善Show室內舉行 陳奕迅表現興奮笑住甩嘴

11/07/2020 19:24:00
日出Show好有Feel,日落Show就啲聲好靚囉。
日出Show好有Feel,日落Show就啲聲好靚囉。

陳奕迅(Eason)今日舉行《Live is so much better with Music Eason Chan Charity Concert》網上直播慈善演唱會為「演制抗疫基金」籌款,幫助一班受疫情影嚮而收入大減的台前幕後人士。

音樂會分成日出和日落兩個環節,早上6時舉行的日出部份是前一日錄製,身穿卡其色長外套的Eason在樂隊伴奏下於尖沙咀海旁演唱,配合維港景色,以《與你常在》揭開序幕,緊接唱出《天使的禮物》、《黃金時代》、《太陽照常升起》及國語歌《相信你的人》共5首歌,由破曉唱到天亮,期間只講了:「早晨呀,各位!」跟歌迷打招呼,至表演完畢再相約大家日落再見:「See you later。」日出表演全程約20分鐘,較原定半小時為短。

Eason一甩嘴就笑。
Eason一甩嘴就笑。
因為久未踏上紅館,Eason動作多多。
因為久未踏上紅館,Eason動作多多。

至於日落環節就移師在紅館舉行,演唱7首歌曲,亦是紅館重開的第一個音樂會。穿上黑色西裝的Eason以快歌《幸災樂禍》打頭陣,可能濶別紅館舞台多時,Eason唱到舉高手彈跳了幾次,唱畢也禁不住高呼:「Well done!」情緒相當高漲。而第2首就隨即轉換調子,深情演唱國語歌《你給我聽好》,並送上一個敬禮。隨後唱出《防不勝防》及《夕陽無限好》,唱後者時,Eason無啦啦笑出聲搞到甩嘴。之後演唱《沙龍》及《後台》,更當正有現場觀眾一樣向台下揮手,又大叫:「熒幕前的朋友同我一齊『la』!」及至演唱最後一曲《我們萬歲》前,Eason說:「無觀眾係咪好怪?我哋自己拍手喇!雖然我哋無掌聲,但想借機會多謝每一位為演唱花盡心機、血汗和努力的朋友。做人咁辛苦都是為了玩,所以我希望大家不要忘記抱著玩的心態、但也要認真的面對一切,做多啲有益嘅事、認識多啲有益嘅嘢、講多啲有益嘅說話;那麼地球都有益啲,無咁嬲我哋,多謝大家支持和一齊玩的朋友。」不過唱《我》曲期間Eason連環甩嘴,惟有以笑遮醜,而日落環節表演時間約35分鐘。

其他文章
hd