首頁 即時娛樂

【頭條獨家】黎耀祥龔嘉欣狂打無替身《殺手》 監製強調唔會刪李佳芯戲份

12/07/2020 23:18:00
監製陳維冠(右)率編審冼少玲(左)及蔡婷婷(中)講解劇中角色,大讚黎耀祥龔嘉欣狂打無替身。
監製陳維冠(右)率編審冼少玲(左)及蔡婷婷(中)講解劇中角色,大讚黎耀祥龔嘉欣狂打無替身。

由黎耀祥(祥仔)與陳豪兩大視帝主演,陳維冠監製嘅無線新劇《殺手》已啟播, 56歲的祥仔喺首集經已相當矚目,除由頭打到尾,仲有唔少火辣辣場口。至於傻氣嘅貪錢單親媽媽李佳芯(錢向茜);剷晒青「癲癲哋」嘅龔嘉欣(NaNa)跟平日戲路反差好大,劇中好有發揮。陳維冠仲保證,李佳芯係女主角,戲份冇變過。採訪:方騫平

劇中56歳的祥哥要狂打,佢話攞佢老命!
劇中56歳的祥哥要狂打,佢話攞佢老命!
訓練咗3個月的龔嘉欣拍攝時好出力,飛腿完全冇問題。
訓練咗3個月的龔嘉欣拍攝時好出力,飛腿完全冇問題。

雖然黎耀祥已變TVB部頭藝員,但他依然落力,劇中有唔少喪跑同狂打場口,第一集仲有得攬啜低胸辣妹兼且頭壓女方胸口!陳監製大讚祥哥好盡力:「全劇佢同龔嘉欣打得最勁,佢哋都盡量唔用替身。除此之外,祥哥仲為咗呢套劇好辛苦咁操練6嚿腹肌,我睇住陳豪教佢點樣食嘢Keep Fit,連佢老婆都要求佢Keep耐啲個Body,佢就耍手擰頭話唔得,Keep唔到喇。」

劇中祥哥會胸襲龔嘉欣。
劇中祥哥會胸襲龔嘉欣。
首集黎耀祥同辣妹有埋身肉搏場口,攬啜兼掃腿,連祥嫂都話冇眼睇。
首集黎耀祥同辣妹有埋身肉搏場口,攬啜兼掃腿,連祥嫂都話冇眼睇。

龔嘉欣拍到喊
編審蔡婷婷指龔嘉欣向來角色係賢良淑德,好難將佢同神經質、兇狠拉上關係,今次完全唔同晒,陳監製對她要求好嚴格,拍前3個月先接受武打訓練,要她打得又演得:「有日佢喺旺角同祥哥、樊亦敏拍外景,因為快天黑,唯獨佢拍唔到我要求嘅表情,佢做極都做唔到,仲要駁嘴,所以我就鬧佢,佢NG到喊。」至於李佳芯唔再賣靚樣:「佢成日做有自信嘅專業人士,有啲悶喇!今次佢做到精靈之餘帶啲傻氣嘅師奶仔。」問到李佳芯有否受雪藏風波影響到戲份?陳維冠強調劇集剪好後交由公司安排,冇再刪剪她戲份,仍然係第一女角。」

祥哥為套劇操Fit,老婆好想佢Keep耐啲!
祥哥為套劇操Fit,老婆好想佢Keep耐啲!
首集李佳芯戴住黑框眼鏡,著住Deep V短裙配黑色魚網絲襪做知客。
首集李佳芯戴住黑框眼鏡,著住Deep V短裙配黑色魚網絲襪做知客。
其他文章
hd