首頁 即時娛樂

留得本書在那怕冇得賣 方健儀盼免疫後書展再見

13/07/2020 19:22:00
方健儀出書另一個目的係為咗做善事。
方健儀出書另一個目的係為咗做善事。

今年書展方健儀會推出新書著作《破天方一踩在斜槓線上》,雖然書展延期,但她抱住平常心,不感失望:「因為只係延期唔係取消嘛,所以仲有機會嘅,只係機會延咗去之後,當然今次係有投放人力物力落去,好彩我本書有網購途徑,多個渠道畀有心及知音人買到,而且成本書我係負收入,最想達到目標反而係將賣書嘅版稅錢捐出嚟,所以無乜負擔,本書已印好,而且會照出,一日唔取消一日都有機會舉行,所以大家唔好咁灰心,我哋係抗疫,喺逆境下,要有高EQ去面對突然其來嘅事。」

而她亦喺IG出Post提醒大家要正面:寫有「作為今年在書展出書的作者,我絕對明白各方付出的人力物力與努力,但我認為,安全永遠不能妥協,大家的健康一定行先。『留得本書在,那怕冇得賣?』大家最重要百毒不侵,期望在疫情緩和後,我們在『免疫』的書展中相見。」

及後她又再補充說:「書展雖延期,但我以平常心面對,最緊要大家平平安安,身體健康。其實今次出書,賣書是其次,幫人是主業,一來想協助出版業度過難關,二來我的賣書收益全數捐出,協助低收入年輕人職涯規劃,尋找路向。由於新書版稅明年才到手,但協助他人要及時,所以我已把政府派發的$10,000,再自己多墊$10,000,合共$20,000捐予聖雅各福群會。多除少補,成功賣到2,000本我可打和(雖然疫情下我不敢樂觀)。如果不達標也不怕,當作私人捐贈吧!」

其他文章
hd