首頁 即時娛樂

出海失足受傷太太代報近況 林奕匡趁機放閃:有最好的妻子

14/07/2020 10:00:00
林奕匡雖然受咗傷,但因禍得福證明自己有個好老婆李靄璣。
林奕匡雖然受咗傷,但因禍得福證明自己有個好老婆李靄璣。

早前林奕匡自爆跟朋友出海落船時,失足釀成意外,搞到手腳受傷,更要留院醫治,雖然佢已經出咗院,但係仲要繼續接受治療。呢日佢太太李靄璣就Post林奕匡新相,雖然見佢右手同雙腳都仲包紥住,但精神尚算唔錯,太太仲讚他是見過最極積嘅傷者,「The most positive and proactive injured person I know(我認識的最積極主動的受傷人員)」

太太仲有代林奕匡報告康復情況,令大家安心,「佢複(覆)診後做了物理治療,醫生話佢戴個immobilizer多幾日,就可以唔戴啦!話說呢幾個禮拜,佢每晚都痛到唔係好瞓到覺,瞓三四個鐘就會痛醒,因為止痛藥既藥效都只係得幾個鐘,好折騰,而且一路郁唔到隻手,會連帶頸部、背部、胸口都會酸痛,真係慘慘豬。頭嗰幾日,我已經鍛鍊到變為一個非常稱職的看護,洗頭抹身、清洗傷口完全難唔到我最緊要係冷靜,有耐性,細心啲諗吓假若換轉頭係自己,會想別人點樣幫助你?雖然老公好自責也內疚,但係話過會互相照顧對方一生一世,並唔係信口開河,幾個禮拜又算什麼呢,況且佢絕對係我見過最積極嘅受傷者叫做好翻(返)幾日,已經嚷著什麼都儘(盡)量自己做翻(返),仲無啦啦走去吸塵,真係俾佢激死。最近更日日唱歌,仲竟然彈倒(到)小小鋼琴,所以大家唔好擔心,多謝大家嘅問候。而家疫情加劇了,大家都要好好保重」而林奕匡亦好識做趁機放閃,順便答謝近日辛勞嘅太太話:「I definitely have the best wife(已驗證我絕對有最好的妻子)」



李靄璣呢排日日照顧老公,真係值得讚嘅。
李靄璣呢排日日照顧老公,真係值得讚嘅。
林奕匡右手同雙腳仲包紥住,但精神尚算唔錯。
林奕匡右手同雙腳仲包紥住,但精神尚算唔錯。

當日林奕匡受傷,一度要入院留醫。
當日林奕匡受傷,一度要入院留醫。
當時林奕匡雙腳都傷得唔起咁㗎!
當時林奕匡雙腳都傷得唔起咁㗎!

其他文章
hd