首頁 即時娛樂

【頭條獨家】主持10年終孭飛節目 許文軒感激一班音樂人幫手

15/07/2020 00:37:00
許文軒做了主持工作10年,最近終孭飛《我們的音樂時代》,他很感激一班音樂人出手相助。
許文軒做了主持工作10年,最近終孭飛《我們的音樂時代》,他很感激一班音樂人出手相助。

許文軒(Edmond)入行做主持不經不覺已有10個年頭,最近終首度孭飛主持節目《我們的音樂時代》,原來今次是他主動向公司提出,最難得內容公司任由他發揮,而他特別感激一班音樂人,好似雷頌德等好幫手,二話不說遷就時間接受他訪問。曾參加新秀奪冠的Edmond坦言仍有音樂夢,但不一定要當歌手,反而好似今次製作跟音樂有關的節目,一樣令他好有滿意感。採訪:杜淑霞

Edmond坦承入行前恨做歌手,但自從當了主持後反而更加享受這個身份,「唱歌當做興趣,或者表演時多張刀用,就已經好滿足啦!」
Edmond坦承入行前恨做歌手,但自從當了主持後反而更加享受這個身份,「唱歌當做興趣,或者表演時多張刀用,就已經好滿足啦!」
雷頌德為接受Edmond訪問,專登調動時間,令他相當感動。
雷頌德為接受Edmond訪問,專登調動時間,令他相當感動。




今次首度有屬於自己的節目,其實都是Edmond自己爭取機會,「自己都做咗主持10年,真係好想有自己嘅節目,而自己最熟識都係音樂方面,所以就同公司提議搞個音樂節目,譬如講吓創作人同歌手之間嘅關係,又或者唱片店老闆點睇依家同以前嘅音樂同唱片咁,公司就叫我做住先,儲夠料再睇吓點出。」

節目出街後,雷頌德更在網上公開多謝Edmond,更讚他是有心及專業的好主持。
節目出街後,雷頌德更在網上公開多謝Edmond,更讚他是有心及專業的好主持。
本身跟倫永亮不認識的Edmond,開心對方一口答應接受他訪問,更即場跟他合唱。
本身跟倫永亮不認識的Edmond,開心對方一口答應接受他訪問,更即場跟他合唱。




結果Edmond由搵料、寫稿、訪問、剪片全部一腳踢,花了幾個月時間節目可以成形,「好多謝公司畀機會我,內容都畀我自己去決定,拍攝時好多音樂人第一句同我講『乜𠵱家仲有音樂節目㗎嘛!』聽見都好心酸㗎!香港嘅音樂節目真係買少見少,但係因為機會難得,大家都好肯幫手,好多人二話不說接受我訪問,明明好忙都專登抽啲時間出嚟。」




當中最難忘的被訪者之一,肯定是已移居英國的雷頌德,「我知道佢返嚟香港幾日,其實佢日日都好忙,但係佢都肯抽時間幫我,嗰日佢明明錄完音要即刻趕去機場,但佢寧願朝早早啲幫我做咗訪問先,再忙自己啲嘢,真係令我好感動㗎!」曾參加03年度全球華人新秀歌唱大賽(雪梨區選拔賽)獲得冠軍及最佳台風獎的他,坦言仍有音樂夢,「但我唔一定要做歌手,其實只要做同音樂有關嘅工作,我已經好開心,好似今次節目我雖然要一腳踢,但就好有滿足感。」

講到創作人同歌手之間關係,Edmond覺得一定要搵陳詠謙和周柏豪這對最佳拍檔訪問。
講到創作人同歌手之間關係,Edmond覺得一定要搵陳詠謙和周柏豪這對最佳拍檔訪問。
Edmond其中最為人熟識的,肯定是跟麥美恩的緋聞,「我哋真係唔係拍拖,既然大家咁鍾意睇我哋,拍檔搵真銀都唔錯。」
Edmond其中最為人熟識的,肯定是跟麥美恩的緋聞,「我哋真係唔係拍拖,既然大家咁鍾意睇我哋,拍檔搵真銀都唔錯。」
其他文章
hd