首頁 即時娛樂

首扮精神病患者 黃建東攞仙人掌挾持人差啲拮親

15/07/2020 10:00:00
黃建東於《迷網》首次扮精神病患者,仲要攞住仙人掌挾持楊玉梅搞到差啲拮親。
黃建東於《迷網》首次扮精神病患者,仲要攞住仙人掌挾持楊玉梅搞到差啲拮親。

黃建東(阿東)於TVB劇《迷網》一改平時搞笑可愛形象,飾演患有精神病嘅會計師,病發時更要用仙人掌挾持人質,「自己以前多飾演受害者,今次可以有呢個機會很難得,事前睇咗好多關於精神病嘅電影做準備。劇情講述我病發時正在做頭部針灸,頭皮上插滿針又要發癲箍頸同埋用仙人掌攻擊楊玉梅,差啲拮親自己又拮親人,所以入戲之餘都要好小心。」阿東好感激對手楊玉梅和楊明對他好信任,使他很快入戲之餘又很放心去做。



而劇中阿東更需要穿上精神病院保護衣在輪椅上聲嘶力竭地扮發病,令他體會病者的痛苦,「其實著咗件保護衣被綁住喺輪椅上面乜都做唔到好攞命,感受到精神病人內心嘅巨大痛苦又束手無策,拍完之後聲沙咗幾日,希望大家可以感受到精神病人的苦處,多些關心和體諒他們。」

阿東在劇中飾演患有精神病嘅會計師。
阿東在劇中飾演患有精神病嘅會計師。
阿東首次着上精神病院保護衣,太感好奇。
阿東首次着上精神病院保護衣,太感好奇。

阿東要攞住仙人掌挾持楊玉梅。
阿東要攞住仙人掌挾持楊玉梅。
阿東被縛住雙手,任楊明魚肉。
阿東被縛住雙手,任楊明魚肉。

其他文章
hd