首頁 即時娛樂

【頭條獨家】 追住疫情走  冒險返港拍戲喬寶寶:危險係我嘅事

15/07/2020 19:29:00
喬寶寶低調由英國飛咗返香港隔離,完成隔離後明天開工拍戲。
喬寶寶低調由英國飛咗返香港隔離,完成隔離後明天開工拍戲。

離港近5個月,返英國蘇格蘭同家人團聚嘅喬寶寶兩周前已返港,原來今次專程返嚟個多月拍新片《時代》。凌晨完成隔離14日,明天正式可以出關及開工。

 

他笑說:「香港爆發疫情時,我喺印度飛返嚟派口罩;香港疫情緩和時,我就飛返去疫情最嚴重嘅英國;𠵱家香港疫情再爆發,我又飛返嚟,反而𠵱家成個蘇格蘭確診數字係有史以嚟得3宗最低,danger is my business(危險係我嘅事)!哈!又唔好話我追住個疫情走,上次去印度出席親戚飲宴,係我要求趕返嚟做義工派口罩,唔可以怪我,呢啲叫患難見真情嘛!唔理係農曆定西曆,相信7月14都係唔好日子,由𠵱家過多7日香港會好景返,大家放心啦。而且香港防疫措施好嚴,應該可以控制得到,不過,如果冇咁多人可以獲豁免強制檢疫,就唔會有咁多空運病毒返嚟嘅,呢方面把關要做好啲。」

 

 





 



 

 

喬寶寶離港前,香港疫情最嚴重,他要幫手派口罩,𠵱家回歸,香港疫情再爆發
喬寶寶離港前,香港疫情最嚴重,他要幫手派口罩,𠵱家回歸,香港疫情再爆發
蘇格蘭疫情嚴重時,寶寶做足消毒措施。
蘇格蘭疫情嚴重時,寶寶做足消毒措施。

喬寶寶喺英國過住悶爆半退休生活,得閒同老婆出去買嘢及散步。
喬寶寶喺英國過住悶爆半退休生活,得閒同老婆出去買嘢及散步。
不過,喺英國定居期間可以陪吓行動不便嘅細仔。
不過,喺英國定居期間可以陪吓行動不便嘅細仔。

之前去過印度參與親人婚宴。
之前去過印度參與親人婚宴。
其他文章
hd