首頁 即時娛樂

【美少女】疫情下stay home執屋   李司棋尋獲高質「寶藏」

01/08/2020 11:30:00
少女李司棋眉清目秀,連馬騮仔都被吸引跟她互動。
少女李司棋眉清目秀,連馬騮仔都被吸引跟她互動。

本港第三波新冠肺炎疫情嚴峻,平日過住吃喝玩樂,半退休生活嘅李司棋惟有乖乖聽從指引,取消同朋友嘅飯局約會,stay home stay safe!

 

司棋姐留家執屋再執屋,竟然發現有「寶物」,噚晚她出新post,貼出一張陳年黑白舊相,留言:「執屋再執屋,找出很多舊照,陸續在ig分享」,相中的司棋姐帶住頭巾,着住條白色連身背心裙,眉清目秀,非常清純兼有少女味!唔知係手上水果定美色吸引,李司棋獲3隻瘦猛猛馬騮仔垂青,其中一張相,有隻仲做請請手勢和司棋姐互動,另一張則望她望到目定口呆,紥馬想撲前!嚇得李司棋花容失色。司棋姐仲留言話:「小猴子嚇死我,到現在還記得牠們的眼神。」網民留言大讚司棋姐「一直都這麼美,這麼有氣質」、「好靚」、「一直都這麼美,這麼有氣質」,仲有指係「靈猴少艾结良緣」。

司棋喺IG分享少女時代被三隻靈猴圍住,既驚又喜嘅靚相。
司棋喺IG分享少女時代被三隻靈猴圍住,既驚又喜嘅靚相。
少女李司棋係氣質女神;熟女司棋姐就有韻味,「香港公主」絕非浪得虛名。
少女李司棋係氣質女神;熟女司棋姐就有韻味,「香港公主」絕非浪得虛名。

司棋姐喺疫情下home stay動手做白菜豬肉蝦仁水餃。
司棋姐喺疫情下home stay動手做白菜豬肉蝦仁水餃。
喺屋企上吓網都打發到時間。
喺屋企上吓網都打發到時間。

唔知司棋姐幾時再拍劇益吓觀眾呢?
唔知司棋姐幾時再拍劇益吓觀眾呢?
其他文章
hd