首頁 即時娛樂

與鄭欣宜馮允謙做網上慈善音樂會  C Allstar:一齊努力撐過疫症

03/08/2020 17:14:00
C Allstar、鄭欣宜和馮允謙齊齊為為慈善演唱直播演出。
C Allstar、鄭欣宜和馮允謙齊齊為為慈善演唱直播演出。

新城知訊台昨晚舉行網上舉行《C ALLSTAR WECARE慈善Live》,由組合C Allstar聯同神秘嘉賓鄭欣宜及馮允謙演出,今次的Live show破天荒沒有Rundown,大玩即場互動「你點咩、就唱乜」嚟帶出驚喜。梁釗峰(釗峰)話︰「大家呢段時間都足不出戶,相信大家都好需要音樂嘅支持。」C Allstar對這次音樂會即興點歌的模式,表示興奮及高興。陳健安(On仔)︰「我哋初出道喺街頭Busking嘅時候亦有類似經驗,雖然感覺似係自己玩自己,但富挑戰性。試過最難忘係點唱《帝女花》同《Poker Face》,當下我哋唔識唱,但我哋邀點唱人士下星期再嚟,我哋返去練完再唱畀大家聽。」

 
C Allstar多搞網上活動製造商機
C Allstar表示,雖然因為疫情而收入減少,但見到巿民開始改變消費模式,他們亦有新計劃。On仔︰「𠵱家啲人多咗喺網上消費,我哋都可以搞啲網上嘅活動,例如網上音樂會,然後要畀錢至可以睇,希望可以幫補一吓收入,相信大家一齊努力,就可以撐過今次嘅疫症。」

 

不過,因為C Allstar成員吳崇銘(King)病倒,未有參與其中,他拍片交待表示:「因為病咗所以嚟唔到,喺嚴峻時期係要注意啲嘅,所以決定留守家中,我哋喺live前有做過檢測,大家都係陰性,應該冇乜大問題,三位兄弟加油!希望大家飲多啲水,飲水好重要,可以排毒,而且天氣咁熱,飲水可以慎防中暑。」

因為吳崇銘(King)病倒,C Allstar三缺一,不能合體。
因為吳崇銘(King)病倒,C Allstar三缺一,不能合體。
C Allstar三子投入演唱。
C Allstar三子投入演唱。




 

吳崇銘(King)病倒只能拍片為兄弟打氣。
吳崇銘(King)病倒只能拍片為兄弟打氣。

其他文章
hd