首頁 即時娛樂

【復工喇】隔離兩周出關  70歲薛家燕戴粉紅花花口罩雀躍開工

05/08/2020 12:00:00
家燕隔離兩星期後,戴住個粉色花花口罩出關錄影《流行經典50年》,一身粉色打扮襯到絕。
家燕隔離兩星期後,戴住個粉色花花口罩出關錄影《流行經典50年》,一身粉色打扮襯到絕。

早前因新城電台有員工確診新冠肺炎,主持之一嘅薛家燕(家燕姐)自我隔離14天,而且暫停錄影TVB的《流行經典50年》。直至昨晚一身粉紅色花花裙,配粉色花花口罩,襯到絕的家燕姐重返《流行經典》崗位,跟洪杰、文佩玲、菊梓喬等演出。

 

家燕姐表示,從未試過兩星期沒有走出過家門,也沒有見過子女們,他們只將物品放在門外按門鐘後便返回自己家中:「可能佢哋怕我冇戴口罩。」她還自爆,平日每天總會化妝扮靚出門口,但呢兩星期沒有出街所以不習慣,曾試過有一天忍不住化上妝和穿上靚衫在家裏行來行去,為了不浪費便拍片給朋友。

 

前天出關,適逄新抱仔陳素怡的生日,加上兩次做檢測均呈陰性,所以問準兒子後便到他家一起慶祝,所以相當雀躍,好似開籠雀。問到經歷自我隔離後,可會減少工作?家燕姐坦言:「都有諗過,好多事突然無法預計,今年全世界人受疫情影響,健康係最重要,有健康就可以享受人生,𠵱家乜都有,係咪要咁樣生活落去?所以我應承個女將會乖乖地,唔再接咁多工作,疫情後去旅行開心一吓,我啲仔女梗係好開心,我諗,最開心係男朋友。不過,佢質疑我話『係咪講吓就算?其實我真係有呢個決定。」

家燕姐之前喺疫區新城電台訪問過黎耀祥。
家燕姐之前喺疫區新城電台訪問過黎耀祥。
前天家燕出關第一件事同新抱仔Zoe在家賀壽。
前天家燕出關第一件事同新抱仔Zoe在家賀壽。

其他文章
hd