首頁 即時娛樂

望43歲行姐釣到金龜 苑瓊丹為老友物色獸醫老公

06/08/2020 19:46:00
老苑話近年行姐只愛毛孩,對拍拖唔係太感興趣。
老苑話近年行姐只愛毛孩,對拍拖唔係太感興趣。

陳彥行(行姐)日前帶同愛犬接受老友苑瓊丹(苑仔)主持香港開電視節目《開工大吉77》訪問,當年行姐與苑仔因為合作拍處境劇變得老友鬼鬼,直呼對方做「老苑」:「我所有嘅事佢都好知道,佢可以話係我第二個阿媽,周不時幫我留意筍盤,有一次佢帶隻狗睇醫生,見個獸醫幾靚仔,走去問人哋結咗婚未,話想介紹畀我識!睇怕第日我有幸嫁得出,都要跪地斟茶畀佢報恩。」


行姐話初入電視台時,思想比較單純,被苑仔取笑做大小姐,行姐話她被媽咪控制自己多年,終於到三十歲時「反叛」過獨立生活。而二人片場結緣,苑仔係義氣仔女。苑仔就話希望行姐釣到金龜,奈何對方對狗更有興趣:「𠵱家約佢食飯佢都唔出嚟,不時要照顧呢隻狗、帶另一隻睇醫生,睇嚟都要搵個獸醫老公畀佢,順便慳番啲醫藥費。」

行姐抱埋愛犬糯米糍去做訪問。
行姐抱埋愛犬糯米糍去做訪問。

其他文章
hd