首頁 即時娛樂

互相祝福如拜年 蔡一傑行超市撞到劉曉彤

07/08/2020 09:00:00
劉曉彤好開心撞到蔡一傑,但就怪自己唔記得除老花眼鏡。
劉曉彤好開心撞到蔡一傑,但就怪自己唔記得除老花眼鏡。

蔡一傑喺YouTube開頻道《傑少煮意》教煮餸,煮嘅都係家常小菜,白切雞、京都肉排及蕃茄炒蛋等,訂閱人數都有7萬8千七。

尋晚,蔡一傑去超市買餸撞到老友劉曉彤,而家係KOL嘅傑少梗係唔放過自拍,佢搭住老友膊頭傾偈,對話如下:
男:去咗超級市場買嘢食,竟然撞到好朋友
女:睇唔少《傑少煮意》
男:你今晚煮咩?
女:肉碎豆腐
男:剩係得一樣?
女:好鬼窮呀呢排,要慳住使,你整咩?
男:今晚煮明太子意粉,日式
女:今晚睇定聽日有得睇?
男:遲啲睇,唔係即時
女:祝你《傑少煮意》好多訂閱
男:祝你全家身體健康,永遠幸福

兩人一見面,蔡一傑即拍片。
兩人一見面,蔡一傑即拍片。
搭住膊頭吹水。
搭住膊頭吹水。

《傑少煮意》第一集教整白切雞。
《傑少煮意》第一集教整白切雞。
賣相好吸引嘅京都肉排。
賣相好吸引嘅京都肉排。

其他文章
hd