首頁 即時娛樂

演技獲伍詠薇麥媽媽讚賞   麥明詩被網民鬧爆累死李佳芯

07/08/2020 11:30:00
雖然演技獲讚,但她因太愛Parker(謝東閔)累死咗Cash(李佳芯),被唔少網民留言鬧爆。
雖然演技獲讚,但她因太愛Parker(謝東閔)累死咗Cash(李佳芯),被唔少網民留言鬧爆。

由陳維冠監製,無線熱播劇《殺手》今晚大結局,噚晚一集劇情相當緊湊,「殺手獵人」Parker(謝東閔飾)除咗殺埋Bill(戴耀明飾)外,仲捉走Cash(李佳芯飾),Cash先被Parker敲斷腳,再被撞爆頭,最後被綁喺海入面慘死, 而Parker挾持閰武(黎耀烊飾)女兒Megan(阿之)(麥明詩飾)逃亡時遇上為Cash報仇嘅Zero(陳豪飾),閰武趕到為咗個女安危而極力阻止Zero出手,而另方面Megan仍想保護Parker,結果Zero再次用一粒子彈,射殺Megan與Parker,真係死得人多。


網民叫離開變態佬
噚晚麥明詩(Louisa)喺FB發文兩段,除咗上載眼定定,但笑晒口同謝東閔合照,留言「他是愛我的,是嗎?」外,還轉載返上月中伍姑娘(伍詠薇)對她演技的讚賞評論,文中伍姑娘話「麥明詩…意外驚喜…做得好好…成套劇…本宮最留意同幾期待此女人出場…加油#我都係一個觀眾亦係演員非常欣賞呢位新人演出#其實我唔識佢㗎」Louisa好感謝伍姑娘嘅鼓勵,再次多謝當時各位前輩嘅指導。伍姑娘就回應「睇好你…非池中物…有機會合作…」

 
唔打算返食回頭草
唔少網民大讚麥明詩演技進步咗好多,連麥媽媽何小娟都留言話:「Louisa,你的演技真的進步了很多,我看到你之前下了這麼多功夫和努力,這些並沒有白費,為你鼓掌!」不過,有網民批評她行動太快,舉動唔似失明人士,麥明詩都有謝謝意見。網民乘機叫她回巢,勸她唔好嘥咗好機會。仲有人求證:「唔係江美儀話你重回娘家咩?」Louisa卻否認有食回頭草呢個打算,留言係誤會。

 
愛情讓人變得白癡
另外,因為噚晚嗰集Megan同Cash本身已逃離現場匿藏起來,但Megan因太愛Parker,挺身回應呼喚而累死咗Cash,被唔少網民留言鬧爆「今晚殺咗你」、「你害埋自己啦,好嬲呀!」、「你累死咗Cash,點解要害佢?」、「佢好恐怖!」、「是非分明勇往直前嘅阿之,今集變咗低能!」Louisa就喺留言度解構讓大家消吓氣:「愛情讓人變得白癡!」

粉絲睇得好肉緊,指謝東閔係變態㗎,快離開。
粉絲睇得好肉緊,指謝東閔係變態㗎,快離開。
伍姑娘唔識麥明詩,不過都發文激讚。
伍姑娘唔識麥明詩,不過都發文激讚。

麥明詩媽媽麥何小娟都大讚囡囡用心演出,明顯見她有進步。
麥明詩媽媽麥何小娟都大讚囡囡用心演出,明顯見她有進步。
今集李佳芯、謝東閔、麥明詩先後死晒,真係死得人多。
今集李佳芯、謝東閔、麥明詩先後死晒,真係死得人多。

李佳芯更加係慘死,最後畀Parker掉埋落海。
李佳芯更加係慘死,最後畀Parker掉埋落海。
Cash被Parker敲斷腳,爬住走。
Cash被Parker敲斷腳,爬住走。
麥明詩有咁好條件,強調唔會食回頭草。
麥明詩有咁好條件,強調唔會食回頭草。
其他文章
hd