首頁 即時娛樂

【鍾意哨牙仔咁得意】被嫌唔夠靚仔 江𤒹生奪沈殷怡熒幕初吻

07/08/2020 13:30:00
AK飾演後知後覺的男友,後悔得要流下男兒淚。
AK飾演後知後覺的男友,後悔得要流下男兒淚。

Mirror成員江𤒹生(AK)第二首派台作品《蝸牛》MV,請來ViuTV節目《美女郊遊遊》的沈殷怡(Shirley)當女主角。此曲以AK的愛情故事作藍本,表達男人對於戀事後知後覺,喻珍惜身邊人。
Shirley在MV中演AK女友,畫面穿插著二人恩愛及Shirley孤單一人作對比,AK就是飾演那後知後覺的男友,後悔得要流下男兒淚。問AK當中可有任何劇情是個人經歷?他即說:「病唔喺身邊未試過,除非要出去做嘢,否則都會陪女朋友,另外試過同以前女朋友一齊煮嘢食。」
至於找來Shirley參與演出,AK表示全靠友情搭夠,二人相識接近10年,在他加入Mirror後大家同公司,實在有緣。其實Shirley更為了AK於MV中獻出熒幕初吻。她說:「AK好Gentleman,佢都會事先問可唔可以錫臉,或者錫其他地方,大家都係想個MV好睇,有最大嘅效果,所以最後即使親密鏡頭有啲尷尬都覺得唔緊要,觀眾覺得好睇就OK了。」被問到AK可是她的理想男友類型?Shirley笑說:「我鍾意白白淨淨高大哨牙,AK笑咗我十幾年,話邊有人鍾意人哨牙㗎,叫我唔好搞笑,但我呢個癖好到依家都戒唔到。佢成日都問我佢靚唔靚仔,以我嘅標準,有啲進步空間囉!」

AK和Shirley相識10年,特別合拍。
AK和Shirley相識10年,特別合拍。
Shirley擇偶條件咁獨特,AK當然不合格。
Shirley擇偶條件咁獨特,AK當然不合格。

其他文章
hd