首頁 即時娛樂

網友同楊秀惠齊齊玩 蕭正楠黃翠如耍花槍狂放閃

11/08/2020 09:45:00
蕭正楠講吓整嘢食慰妻,輕易引起楊秀惠和網友回應。
蕭正楠講吓整嘢食慰妻,輕易引起楊秀惠和網友回應。

蕭正楠和黃翠如自從結咗婚之後,就經常玩放閃,最難得佢哋兩公婆玩得開心之餘,一班圈中好友,同埋網友都好配合,大家齊齊玩。好似蕭生放咗張食三文治相,再寫:「每天起身都有個人,等緊你整野(嘢)比(畀)佢食,係一種幸福,應該係除非唔係#魚糧」呢個時候當然蕭太會有回應,「你咁幸福真羡慕~~~~~~」跟住蕭生又再講,「你咁羡慕真幸福」圈中人就有楊秀惠玩埋一份同蕭太話:「你真幸福」而網友亦加入好多搞笑留言:「夜猛猛啲花槍比您哋耍到爛曬」、「蕭太令你更優秀,成為更好嘅男人,都勞苦功高㗎」、「辛苦哂你啦!仲有排煮,唯有生返個女啦!第日教識個女學煮飯過你食」


蕭正楠畀網友質疑點解啱啱起身就set晒頭。
蕭正楠畀網友質疑點解啱啱起身就set晒頭。
除咗整嘢畀老婆食,蕭生仲會陪老婆撐枱腳。
除咗整嘢畀老婆食,蕭生仲會陪老婆撐枱腳。

蕭生蕭太放閃當然唔係第一次啦!
蕭生蕭太放閃當然唔係第一次啦!

其他文章
hd