首頁 即時娛樂

新劇拍到虛脫都Keep住笑 唐詩詠:我真係拍得幾開心

11/08/2020 12:30:00
詩詠好享受拍攝新劇《超能使者》的過程。
詩詠好享受拍攝新劇《超能使者》的過程。

有乜開心得過同一班老友嘻嘻哈哈一齊開工?由唐詩詠、陳展鵬、陳山聰、林子善及劉穎鏇等主演、文偉鴻監製的新劇《超能使者》自5月開拍以來,眾演員不時於社交網晒開心合照,子善表示整個團隊都好團結,山聰亦坦言好享受今次拍攝過程。唐詩詠昨日也於社交網貼出花絮照,並留言:「髮型姐姐問我:『你拍呢套劇係咪拍得好開心?見你日日返工個樣都係笑嘅,唔係真係大笑,係內心發出來嗰種喎』諗一諗,成日係三十幾度高溫下拍攝,曬到變咗舊碳,拍到個人虛脫咁滯,然後返到廠拍,又凍到好似係雪地咁,又暖包又羽絨,但每日都係好想返工,我諗,我真係拍得幾開心 #超能使者 #呢班兄弟姊妹好正 #NT」不過拍攝即將來到尾聲,相信一班台前幕後都好唔捨得。

髮型姐姐指詩詠日日返工個樣都係發自內心地笑。
髮型姐姐指詩詠日日返工個樣都係發自內心地笑。
詩詠直言同台前幕後合作得好開心。
詩詠直言同台前幕後合作得好開心。

仲話呢班兄弟姊妹好正。
仲話呢班兄弟姊妹好正。
(左起)劉穎鏇、陳山聰、唐詩詠、陳展鵬及林子善開工都掛住打卡,好Chok!
(左起)劉穎鏇、陳山聰、唐詩詠、陳展鵬及林子善開工都掛住打卡,好Chok!

其他文章
hd