首頁 即時娛樂

【頭條獨家】首做男一劇網民籲罷睇 森美獨家剖白:尊重每一個人諗法

11/08/2020 21:31:00
人生經歷
森美覺得呢次風波係一次好特別的人生經歷,就算網民罷睇新劇,他尊重每一個人諗法。
人生經歷 森美覺得呢次風波係一次好特別的人生經歷,就算網民罷睇新劇,他尊重每一個人諗法。

去年嘅社會運動,森美多次有感而發,亦曾試過喊住做電台節目!由他處男擔正嘅無線新劇《過街英雄》將於下周一晚八時半首播,因為政見不同,有網民要求TVB停播,甚至發起罷睇行動。對於首部男一劇捲入顏色風波,森美表現平靜:「我唔係一個政客,我尊重每個人嘅諗法。」採訪:方騫平 場地:The Code 服裝:Blaack


變「老鼠俠」 森美在劇中變身「老鼠俠」,他最擔心電腦特技得唔得,壓力交返畀公司同監製。
變「老鼠俠」 森美在劇中變身「老鼠俠」,他最擔心電腦特技得唔得,壓力交返畀公司同監製。
翠如鬥嘴

森美在新劇跟黃翠如及譚凱琪有感情線,但同前者冇親熱戲,只有好多鬥嘴戲,自認口衰嘅森美有畀唔少意見。
翠如鬥嘴 森美在新劇跟黃翠如及譚凱琪有感情線,但同前者冇親熱戲,只有好多鬥嘴戲,自認口衰嘅森美有畀唔少意見。

在TVB 14年,森美終於等到做男主角,新劇《過街英雄》其實已拍畢兩年,本安排於上年尾播出,由於當時社會氣氛緊張、警民關係欠佳,不利踩界題材,所以改播洪永城及湯洛雯主演嘅《丫鬟大聯盟》,而《過街英雄》先安排於海外推出。

全靠羅蘭姐點醒自己
今年終安排劇集於暑假黃金靚期播出,估唔到又有罷睇暗湧,對於有政見不同嘅網民的激動行為,森美有話要說:「其實由寫故事到拍攝至出街,係經過編劇、編審、監製等多重審視,套劇係唔涉及任何政治,只係講正義感,作為藝人做好自己工作就得啦。」他又以前輩羅蘭姐作例子:「做藝人有時好擔心角色同自己有冇衝突?曾經請教過羅蘭姐,佢就話『自己係虔誠天主教徒,但又拍好多鬼片,呢啲只係關於工作職業,唔代表係本人。』呢個都係前輩教我嘅諗法,我覺得真係好好。不過,每個人都有自己嘅睇法,唔可以將自己一套睇法去迫人認同,我又唔係一個政客,如果我係一個政客,我梗係想你跟我啦!如果唔係嘅話,都冇必要因為大家諗法唔同而唔開心,我尊重每個人諗法。」


網上抒發 一年嘅社會運動中,森美不時在網上有感而發。
網上抒發 一年嘅社會運動中,森美不時在網上有感而發。
隔離家庭

森美話一個家庭都會為小事而爭拗,不過疫情下,他成為隔離家庭後,跟家人關係更進一步。
隔離家庭 森美話一個家庭都會為小事而爭拗,不過疫情下,他成為隔離家庭後,跟家人關係更進一步。

學習唔傷感情的爭拗
過去一年嘅社會運動令森美有所啟發,「大家學懂一樣嘢,就算阿爸同子女、兄弟姊妹都可以有唔同睇法,如果因為咁而憎咗大家,一聽就知道件事係有唔啱啦!爸爸同個仔諗法唔同,唔通就冇父子做咩?我覺得呢個諗法真係唔應該。」森美還說就算唔講政治,屋企大小事都可以有爭拗。「好似買部電視機,揀大細都有得拗,問題係點樣喺爭拗過程中唔傷及感情,呢啲就係要學習嘅地方。」問他有否信心和平解決得到唔同立場爭拗?森美答得堅定:「香港人冇嘢係解決唔到嘅,我對香港人有信心。」

避開撞子孫根而拗柴
森美在新劇中,有場戲要他從小型貨車頂跳落嚟,再用腳叉住動作演員個頭落地,其間發生拗柴裂骨意外,森美講返呢件意外都覺得幾好笑:「本身係好安全,但第一次拍時我個褲頭揩咗落動作演員個鼻度,我個重要部位好痛,對方就好陰功,佢個鼻對住我嘅子孫根。所以第二Take就一就,落腳時唔啱位,踩咗落塌塌米中間,隻腳攝咗入去拗柴,哈!我終於講到動作演員好威嘅一句:『冇事,唔緊要,拍埋佢!』」

晒吓腹肌 幾時都咁fit嘅森美,喺劇中都被安排晒腹肌。
晒吓腹肌 幾時都咁fit嘅森美,喺劇中都被安排晒腹肌。
翠如被埋
有幕戲翠如要被活埋,森美反而輕輕鬆鬆喺旁邊擔遮演出。
翠如被埋 有幕戲翠如要被活埋,森美反而輕輕鬆鬆喺旁邊擔遮演出。
唔使替身 森美話拍《過街英雄》好好玩,因為有好多動作場面,包括要吊威吔同攀爬,森美做開運動所以冇用過替身。
唔使替身 森美話拍《過街英雄》好好玩,因為有好多動作場面,包括要吊威吔同攀爬,森美做開運動所以冇用過替身。
加料飯盒

森美食開工飯盒,竟然有中環著名嘅牛腩加料,果然拍得好開心喎。
加料飯盒 森美食開工飯盒,竟然有中環著名嘅牛腩加料,果然拍得好開心喎。
揸車減壓 因為好減壓,所以每逢假日森美都會揸電單車周圍去。
揸車減壓 因為好減壓,所以每逢假日森美都會揸電單車周圍去。
其他文章
hd