首頁 即時娛樂

【幸福一家】郭可頌生日   熊黛林派孖女獻吻冧爆壽星爸

12/08/2020 11:30:00
一家四口齊齊整整切蛋糕外,素顏Lynn仲派一對孖女獻吻壽星,𠱁到郭可頌勁冧。
一家四口齊齊整整切蛋糕外,素顏Lynn仲派一對孖女獻吻壽星,𠱁到郭可頌勁冧。

有時幸福唔止係自己感受,仲要晒吓嘅!呢方面喺天王郭富城同方媛係最佳演繹,好似日前城嫂33歲生日,除咗唔少得晒一家四口溫馨合照外,兩公婆仲合體,用身體語言砌個心形,晒命式要公告畀全世界人知道「百毒不侵」,不管方媛有冇靠「天王嫂訓練營」嚟打造高質美女,兩公婆依然咁恩愛,係Sweet呀!

 

講到呢度,好喇!到城城舊愛熊黛林(Lynn)出場,噚日係佢擁有百億資產老公郭可頌嘅生日,喺疫情下,一家人只能喺屋企切吓蛋糕、食個住家飯簡單慶生。少奶奶Lynn亦晒出一家四口嘅溫馨相,另外,兩個寶貝女Kaylor和Lyvia仲吻賀爸爸,郭可頌左擁右抱孖女,慈父樣出晒嚟,至於兩公婆嘅甜蜜合照就欠奉,但大家都收到佢哋嘅喜悅,紛紛留言係幸福一家、羨慕的一家、永遠幸福快樂。相中素顏郭師奶仍然清秀,被讚係女神。

方媛日前33歲生日,兩公婆合體砌心晒幸福,相對Lynn兩公婆放閃得冇咁盡。
方媛日前33歲生日,兩公婆合體砌心晒幸福,相對Lynn兩公婆放閃得冇咁盡。
之前Lynn生日,溫馨合家歡唔少得。
之前Lynn生日,溫馨合家歡唔少得。

城嫂方媛日前生日,好老公城城配合「晒命」行動,一個字...sweet!
城嫂方媛日前生日,好老公城城配合「晒命」行動,一個字...sweet!

其他文章
hd