首頁 即時娛樂

【阿倫加持】帖文讚係子華星爺混合體  王浩信唔信邪轉發分享

12/08/2020 18:29:00
王浩信喺新劇《反黑路人甲》獲譚校長「加持」激讚。
王浩信喺新劇《反黑路人甲》獲譚校長「加持」激讚。

由無線力捧小生及小花王浩信、張振朗、馮盈盈等主演嘅無線新劇《反黑路人甲》播咗兩集,因為以漫畫手法拍攝,都有唔少笑位,喺疫情下觀眾睇吓得啖笑,都算可以幫到觀眾放鬆一吓嘅,就連譚詠麟(阿倫)都有捧場,喺微博留言激讚王浩信劇中角色「張細倫」係黃子華、周星馳(星爺)嘅混合體,仲話故事發展得愈嚟愈精彩。他說︰「一連兩日看了無線(線)新劇:《反黑路人甲》,覺得不錯。整個風格似漫畫拍攝手法,人物多而不亂,各人性格鮮明且故事入戲快,編劇組應記一功。主角王浩信的角色有黃子華及周星馳的混合體,相信故事發展會越(愈)來越(愈)精彩 ​​​​。」

 

不過,上月初阿倫幫梁漢文(Edmond)「加持」,邀請Edmond同現任葵青警區指揮官謝振中一齊影相,事後阿倫將三人的合照放上微博,梁漢文頓成網民戰靶,相當大鑊!但,王浩信無懼校長的「燈神」威力,還轉發對方的帖文,寫道:「嘩!多謝校長鐘意睇反黑路人甲。」

 

王浩信得到前輩讚賞梗係開心啦!
王浩信得到前輩讚賞梗係開心啦!
上月因為呢張合照,搞出被網民鬧爆風波,梁漢文梗食真係陰功豬。
上月因為呢張合照,搞出被網民鬧爆風波,梁漢文梗食真係陰功豬。

王浩信喺新劇《反黑路人甲》中演得生鬼,被指有望再奪視帝。
王浩信喺新劇《反黑路人甲》中演得生鬼,被指有望再奪視帝。

其他文章
hd