首頁 即時娛樂

【頭條獨家】抗疫「救世煮」 Homemade甜品狂吸脂 厚切千嬅超市急掃千四蚊水果

12/08/2020 23:00:00
千嬅日前同司機現身IFC超市,喺10分鐘內光速掃走約1,400蚊的日本超靚水果,其身形亦明顯脹咗一個碼。
千嬅日前同司機現身IFC超市,喺10分鐘內光速掃走約1,400蚊的日本超靚水果,其身形亦明顯脹咗一個碼。

46歲楊千嬅自誕下兒子Torres後,一直都冇放棄幕前工作,但因為年初爆發新冠肺炎,所有Show同工作一律取消。忽然清閒的千嬅,留港抗疫期間變番做「丁師奶」,為老公和囝囝努力鑽研廚藝,短短4個月已升呢「烘焙達人」,整New York Cheese Cake同焗南瓜牛奶布丁,連帶體重都一齊飆升!日前,千嬅同司機現身IFC超市,並喺10分鐘內光速掃走約1,400蚊的日本超靚水果,見千嬅嘅身形向大碼進發,Oversize長袖衛衣都遮唔晒巨躉同粗髀,抗疫肥真係害人不淺!採訪:張詠森

千嬅全程只花了數分鐘便買齊水果走人,正面望千嬅身形都幾橫。
千嬅全程只花了數分鐘便買齊水果走人,正面望千嬅身形都幾橫。
疫境下做回「丁師奶」的千嬅日日下廚,仲陪兩父子食到發晒福,睇吓佢對髀幾穩健。
疫境下做回「丁師奶」的千嬅日日下廚,仲陪兩父子食到發晒福,睇吓佢對髀幾穩健。

因為上月爆發第三波疫情,政府勒令食肆禁晚市堂食,不少人被迫留家煮飯,但「丁太」楊千嬅卻樂在其中,由一開始瘋狂焗蘋果批、紅蘿蔔蛋糕、芝士蛋糕等,到後來煮埋咕嚕肉、醉雞翼、豚肉燒賣、黑豚肉流心蛋飯糰等,廚藝火速Upgrade,難怪一直覺得千嬅不懂煮飯的丁生,都喺IG晒命話「咁落去好快變豬」、「日日做運動都唔掂」、「佢希望喺短時間之內將我谷肥」,仲封老婆為「蛋糕女王」、「救世煮」,把口真甜!

司機陪買水果
見老公狂讚又引到班網民流晒口水,千嬅呢舖下廚癮完全停唔到,一得閒就挑戰新食譜再放上網呃Like。好似近日疫情嚴峻,大部分幕前工作又再叫停,日前唔使開工的千嬅就同司機快閃中環IFC買食材。當日下午4點幾,攝氏30幾度,仍穿藍色長袖衛衣襯黑色長褲的千嬅,戴上口罩殺入超市,一入去就直接走到冷藏櫃前揀選水果,估計她準備再整甜品。

千嬅主攻日本貴價水果,最終購入桃、提子和蘋果。
千嬅主攻日本貴價水果,最終購入桃、提子和蘋果。
千嬅找數後,司機哥哥就幫手拎嘢。
千嬅找數後,司機哥哥就幫手拎嘢。

側身真係好厚
雖然只係整畀家中兩位「大爺」食,但千嬅一啲都唔馬虎,眼中只有日本空運的高質水果,包括一抽約460蚊的日本黑提子、一抽約530蚊的日本香印青提子、一Pack兩個約340蚊的日本山梨縣黑色印章大糖領桃及約70蚊兩個的日本喬納金蘋果,合共盛惠1400大元!全程用咗唔夠10分鐘,千嬅便火速去Cashier埋單走人,而同行的司機哥哥就幫手推住幾袋嘢,一齊落停車場取車返歸。相信抗疫期間邊煮邊食增磅唔少,千嬅一步出超市彎腰整理物件,下身「豪華臀」與厚切大髀無所遁形,目測起碼脹咗一個碼,睇嚟千嬅要跟丁生一齊去做吓運動嘞!

外面不宜逗留太耐,千嬅離開超市後便直接去停車場取車回家。
外面不宜逗留太耐,千嬅離開超市後便直接去停車場取車回家。
愛上整Cake的千嬅廚藝大躍進,更獲老公封為「蛋糕女王」。
愛上整Cake的千嬅廚藝大躍進,更獲老公封為「蛋糕女王」。
千嬅連喺屋企下廚都戴上口罩,好小心。
千嬅連喺屋企下廚都戴上口罩,好小心。
12年,楊千嬅為丁子高誕下兒子Torres後仍努力工作。
12年,楊千嬅為丁子高誕下兒子Torres後仍努力工作。
丁子高多次於社交網冧讚太太廚藝了得,是家中大廚。早前,他仲特別點名這道「日本牛肉飯」好食到不得了。
丁子高多次於社交網冧讚太太廚藝了得,是家中大廚。早前,他仲特別點名這道「日本牛肉飯」好食到不得了。
丁子高又呻抗疫期間俾千嬅谷到肥晒,搞到要瘋狂做運動!
丁子高又呻抗疫期間俾千嬅谷到肥晒,搞到要瘋狂做運動!
其他文章
hd