首頁 即時娛樂

【頭條獨家】疫情反覆 防疫裝備冇鬆懈 劉青雲夫婦十分鐘掃完貨速逃

13/08/2020 21:28:00
新冠肺炎疫情持續,劉青雲夫婦日前快閃西貢市中心超市「補倉」時都唔敢鬆懈。
新冠肺炎疫情持續,劉青雲夫婦日前快閃西貢市中心超市「補倉」時都唔敢鬆懈。

新冠肺炎疫情持續,家住西貢的劉青雲和太太郭藹明(Amy)唔敢鬆懈,加上西貢近月有多宗確診,所以兩公婆日前快閃西貢市中心超市「補倉」,Amy仲戴上「Lab用安全眼鏡」雙重護目,兩公婆由揀到畀錢只用咗10分鐘,一離開超市即駕車飛返屋企。採訪:張詠森

劉氏夫婦日前戴晒口罩、面罩太陽帽落街買嘢,Amy仲戴多副安全眼鏡護目𠻹!
劉氏夫婦日前戴晒口罩、面罩太陽帽落街買嘢,Amy仲戴多副安全眼鏡護目𠻹!
Amy在超市內旋風式購糧食、日用品,其間仲有睇盆栽。
Amy在超市內旋風式購糧食、日用品,其間仲有睇盆栽。

自年初爆發疫情後,唔使開工的劉青雲便化身「跟得老公」,經常陪老婆郭藹明落街買餸,而且兩人都好聽話,每次都做足防疫措施先出動,好似今年5月中,即使本港確診數字大幅下降,兩公婆去西貢市中心寄信也戴晒口罩、黑超和面罩太陽帽,Amy仲誇張到戴埋一次性醫療手套,非常謹慎!反觀不少市民卻開始鬆懈,有群組更除「罩」唱歌跳舞開P,搞到上月社區大爆發,至今累積個案已破4千宗。

高度戒備
街市成為受感染的高危地方,一向鍾意去九龍城街市買餸的劉青雲夫婦亦暫時留「西」消費,近日較多去寓所附近的超市添置糧食及日用品。日前下午2時許,兩公婆又去西貢市中心買嘢,由於疫情嚴峻,Amy繼續高度戒備,戴上面罩太陽帽加口罩,並以環保袋代替手套,笠住玉手推開膠簾進入一間小舖睇有機食品。見店內人少少,她即把面罩太陽帽拉到落頸,一邊揀嘢一邊等老公,估唔到今次Amy仲Upgrade咗一副Lab用安全眼鏡,實行雙重護目!

雖然今次Amy冇戴醫療手套,但她亦隨手用環保袋護手推開膠簾入舖。
雖然今次Amy冇戴醫療手套,但她亦隨手用環保袋護手推開膠簾入舖。
為盡快返歸,青雲同太太會合後再分頭買嘢。
為盡快返歸,青雲同太太會合後再分頭買嘢。

超市快閃
郭藹明會合青雲後再分頭行事,青雲先將太太啱啱買的一袋二袋東西放上車,Amy就兩手揈揈行去附近的超市買嘢,其間又在園藝部駐足睇盆栽,大概花了10多分鐘便火速買齊所有必需品兼畀埋錢走人,最後青雲亦趕到幫手拎粗重嘢,並雙雙到停車場取車離開。此趟,劉氏夫婦落區不足1個鐘就返屋企,非常快手,周圍都有確診者,梗係火速返歸Stay home最安全啦!

青雲幫太太拎粗重嘢,等Amy輕輕鬆鬆去超市購物。
青雲幫太太拎粗重嘢,等Amy輕輕鬆鬆去超市購物。
僅用咗10分鐘掃貨的Amy以自助收費機嘟卡畀錢,衛生又快捷!
僅用咗10分鐘掃貨的Amy以自助收費機嘟卡畀錢,衛生又快捷!
青雲對上一次出席公開活動,已是去年5月舉行的電影《拆彈專家2》煞科宴。
青雲對上一次出席公開活動,已是去年5月舉行的電影《拆彈專家2》煞科宴。
早前疫情緩和,本報記者拍得青雲夫婦去西貢市中心寄信,當時二人帶晒口罩和帽,Amy更戴埋一次性醫療手套以策安全。
早前疫情緩和,本報記者拍得青雲夫婦去西貢市中心寄信,當時二人帶晒口罩和帽,Amy更戴埋一次性醫療手套以策安全。
而青雲每次都做「跟得老公」幫手拎重嘢,非常貼心。
而青雲每次都做「跟得老公」幫手拎重嘢,非常貼心。
青雲與Amy結婚22年仍甜蜜恩愛,仲出親街都有影皆雙。
青雲與Amy結婚22年仍甜蜜恩愛,仲出親街都有影皆雙。
其他文章
hd