首頁 即時娛樂

【頭條獨家】為做好演員暫不談情 陳曉華擇偶要識打機同下廚

13/08/2020 23:17:00
陳曉華揀男朋友要識打機同下廚,不過她為做好演員決定暫時不談情。
陳曉華揀男朋友要識打機同下廚,不過她為做好演員決定暫時不談情。

陳曉華最近在劇集《迷網》飾演Madam「蕭美婷」,這是她18年當選港姐冠軍後,第一套參與作品,第一日開工難免緊張,她笑指當日繞住劇中男友朱敏瀚竟驚到手震。不過經過幾套劇洗禮,她已由緊張到享受演戲樂趣,現在單身的她甚至為了專心做個好演員,決定暫時不談情,但講到擇偶條件,她仍雀躍話鍾意男仔愛打機,兼識得整嘢食。撰文:杜淑霞 攝影:李維隆 服裝:Claudie Pierlot 場地:花木日本料理

陳曉華自言想專心學習做個好演員,暫時唔想分心拍拖。
陳曉華自言想專心學習做個好演員,暫時唔想分心拍拖。
不過,提到擇偶條件,陳曉華笑得勁開懷,始終只得25歲。
不過,提到擇偶條件,陳曉華笑得勁開懷,始終只得25歲。



陳曉華自中大畢業即參加港姐,嚴格來說港姐是她第一份工,演員工作對她更加陌生,所以第一日開工特別緊張,由於要拍與朱敏瀚的拍拖戲,但兩人只在試造型時見過一面,根本不熟絡,令她好難忘,「第一場戲我要繞住佢隻手,我隻手有少少震,好彩佢叫我唔使驚,因為係wide
shot嚟睇唔唔到。」

劇中陳曉華與朱敏瀚演一對,她慶幸對方好似大哥哥一樣照顧她。
劇中陳曉華與朱敏瀚演一對,她慶幸對方好似大哥哥一樣照顧她。
作為新人,雖然陳曉華覺得喊戲難演,但亦好享受投入角色忘我境界。
作為新人,雖然陳曉華覺得喊戲難演,但亦好享受投入角色忘我境界。




拍過3套劇之後,陳曉華明白演員不易做,不過亦好享受忘我的感覺,「真係仲有好多嘢要學,好似拍《迷網》要揸車,但自己冇車牌,於是即刻去考,希望第時拍戲有用。但做演員最好玩,好似《迷網》咁有好多喊戲,拍嘅時候要扮睇唔到身邊嘅嘢係最難,但當一action就投入咗,真係忘記咗身邊有啲咩事發生。(忘我?)係㗎!我都好想之後啲戲,講普通對白,都可以投入到連叫cut都聽唔到。」



不過,陳曉華亦明白做演員,可能要犧牲感情生活,「如果𠵱家我遇到個鍾意嘅對象拍拖,但係我又開套劇好忙,咁咪冇時間培養感情囉!既然係咁,我唔想拍拖住。」但講到擇偶條件她仍然好雀躍話:「好多㗎!(使唔使識跳舞?(因她曾跟狄易達拍拖))哈哈!唔使啦!可以同我一齊打機啦!跟住佢會整嘢食,因為我唔會整,但可以負責洗碗嘅,會同我一齊睇我做嘅劇,唔好講大話,乖乖哋就好。」

拍《迷網》時,演Madam的陳曉華有不少追犯戲份,令她發覺自己體能不夠。
拍《迷網》時,演Madam的陳曉華有不少追犯戲份,令她發覺自己體能不夠。
有樣有身材的陳曉華,18年先奪港姐冠軍,19年再成為國際中華小姐冠軍。
有樣有身材的陳曉華,18年先奪港姐冠軍,19年再成為國際中華小姐冠軍。
參選港姐前,陳曉華曾跟狄易達有過一段情。
參選港姐前,陳曉華曾跟狄易達有過一段情。
其他文章
hd