首頁 即時娛樂

【頭條獨家】留家抗疫 Stay home煮飯餵男友 黃智雯超市入手成車餸

14/08/2020 23:00:00
Mandy日前帶埋工人姐姐去又一城超市買餸,相信係準備日日煮飯畀同居男友詹文天食。
Mandy日前帶埋工人姐姐去又一城超市買餸,相信係準備日日煮飯畀同居男友詹文天食。

本港新冠肺炎第三波疫情嚴峻,還爆發「娛樂圈群組」感染,確診的女歌手施匡翹曾到將軍澳電視城錄影及上戲劇班,牽連TVB近百職藝員要進行檢測。曾停拍的新劇《刑偵日記》雖然好快復工,但政府再急推「加辣」抗疫措施,電視台無奈煞停外景拍攝。有份演出《刑》劇的黃智雯(Mandy)日前就去又一城超市買咗成車餸,準備日日煮飯畀同居男友詹文天(Anthony)食,不過佢對於揀食材方面好似有啲障礙,仲惆悵到狂撥頭髮,最終向工人姐姐求救先搞得掂!採訪:譚壹致

食肆繼續禁晚市堂食,Mandy唯有入定大堆糧食日日煮飯仔。
食肆繼續禁晚市堂食,Mandy唯有入定大堆糧食日日煮飯仔。
Mandy一邊買餸一邊Text男友問意見。
Mandy一邊買餸一邊Text男友問意見。

施匡翹於上月18日確診新冠肺炎,曾跟她接觸的游嘉欣因正趕拍《刑偵日記》,並與戴祖儀、黃子桐有對手戲,搞到同劇台前幕後要即時停工做檢測,好彩黃智雯、王浩信及袁偉豪等的結果均呈陰性;但復工冇耐,政府於上月27日宣佈,限聚令由四人減為二人、室外及公眾地方強制戴口罩,以及食肆繼續禁晚市堂食,不少市民都買定糧食、物資長期作戰,Mandy亦唔例外,日前趁唔使開工便帶埋工人姐姐去又一城超市「上倉」。

智囊團幫手
跟珠寶集團高層男友詹文天相戀8年、去年底被爆於將軍澳豪宅同居試婚的Mandy,當晚7點以素顏、街坊Look現身,見她全程低頭狂撳手機,邊買邊向電話中人報告,估計都係向Anthony諮詢意見。不過,揀新鮮食材始終都要親身以肉眼去睇,曾於《美女廚房》獲讚「入得廚房出得廳堂」的Mandy,估唔到喺買餸方面被考起,唔知係有選擇困難定唔識分啲食材靚唔靚呢?佢經過冷藏櫃睇咗好耐都冇出手,卒之等到工人姐姐行埋嚟,Mandy就即刻拎起啲豬肉、牛肉問意見。

研究好耐都揀唔落手的Mandy最終都要向工人姐姐求救。
研究好耐都揀唔落手的Mandy最終都要向工人姐姐求救。
對Mandy而言,揀盒雞蛋當然冇難度啦!
對Mandy而言,揀盒雞蛋當然冇難度啦!

入貨冇盲搶
好在多得工人姐姐詳細講解,Mandy先成功購入一堆蔬菜和肉類,而靠自己揀嘅就有Nuts、雞蛋等「零挑選技巧」可言的食品,不過見她在選購過程中瘋狂撥頭髮,相信花多眼亂的產品足已令Mandy好頭痕!最後,Mandy又擸多咗幾罐午餐肉和大包水餃作儲備;埋單時,雖然購物車擺到滿晒,但二人份量都算正常,未見她有「盲搶」囤食糧,而且Mandy仲好環保自備購物袋,亦會同工人姐姐一人孭一袋,真係好down to earth。

Mandy買嘢買到不停撥頭髮,狀似好煩惱。
Mandy買嘢買到不停撥頭髮,狀似好煩惱。
Mandy自己搬貨上櫃枱畀錢,離開時仲幫手孭嘢。
Mandy自己搬貨上櫃枱畀錢,離開時仲幫手孭嘢。
完成艱巨的買餸任務,輕鬆晒的Mum同工人姐姐傾到笑晒口。
完成艱巨的買餸任務,輕鬆晒的Mum同工人姐姐傾到笑晒口。
因同劇演員曾接觸確診的施匡翹,所以《刑偵日記》台前幕後一度停工做檢測。
因同劇演員曾接觸確診的施匡翹,所以《刑偵日記》台前幕後一度停工做檢測。
Mandy與珠寶集團高層男友詹文天相戀8年,近年屢傳婚訊。
Mandy與珠寶集團高層男友詹文天相戀8年,近年屢傳婚訊。
Mandy曾於《美女廚房》獲讚廚藝不錯。
Mandy曾於《美女廚房》獲讚廚藝不錯。
其他文章
hd