首頁 即時娛樂

【米芝蓮出沒】唔戴口罩行夜山  變身OL麥明詩身形暴脹

15/08/2020 10:30:00
Louisa變身上班一族,少咗運動身材都脹晒。
Louisa變身上班一族,少咗運動身材都脹晒。

「十優港姐」麥明詩(Louisa)喺之前嘅熱播劇《殺手》中飾演黎耀祥視障女兒閻素之,演技獲讚賞,惟她決心暫別幕前,學以致用轉行做國際商業顧問。昨晚Louisa喺IG上載咗三張冇戴口罩,素顏行山相,見她束住馬尾,穿上緊身運動裝、手持行山杖,表示由鶴藪行到大美督。其中一張係對住個月亮食緊月餅,仲相約跟她合作過《單車遊學團》嘅拍檔潘梓峰(Bryan) 中秋節一齊踩單車、行夜山兼一齊食月餅。

 

Louisa未有交待係咪舊相重溫,還是趁住昨晚係friday night行夜山,她寫道:「呢排成日留喺屋企多,做嘢又比較忙,有一段時間冇出去同大自然玩遊戲,好掛住以前成班人一齊行山、踩單車、潛水嘅日子,唔知幾時先可以再玩過?收到月餅先發現原來中秋節就快到,以前過節都會約埋一班朋友聚一聚,人月理應團圓,今年,可以嗎?中秋想見你again @danwan @bryanpun 我地約埋行完夜山、踩完單車一齊食月餅?」

 

如果係新相嘅話,過住OL生活嘅Louisa,加埋「抗疫肥」,麥明詩明顯肥咗,穿上貼身運動衫身形更見肥嘟嘟,白色外套透視到粉紅色運動Bra,上圍相當豐滿,仲突出咗個胃腩。有網民錯焦點留言:「個Bra好紅」、「身材勁咗,個胸大咗」,隨即有粉絲為麥明詩護航,嬲爆回應:「雖然你講乜唔關我事,但係點解人哋好健康去做運動,你硬係要講個胸大咗身材勁咗?我就覺得個笑容比以前更開心。如果你想睇鹹濕嘢點解你要follow佢?」亦有唔少網民認同她「胖了」、「米芝蓮出沒」、「成個月餅就咁啪,好癲 ... 」也有人表示「Miss you so much」及提醒她「注意安全,最好帶返個口罩。」

 

麥明詩唔怕肥,拎住成個月餅係咁咬,醒目女順便賣吓廣告。
麥明詩唔怕肥,拎住成個月餅係咁咬,醒目女順便賣吓廣告。
之前嘅熱播劇《殺手》中飾演黎耀祥視障女兒閻素之,演技獲讚賞,唔少網民話好掛住佢。
之前嘅熱播劇《殺手》中飾演黎耀祥視障女兒閻素之,演技獲讚賞,唔少網民話好掛住佢。

其他文章
hd