首頁 即時娛樂

【吐氣揚眉】曾落敗《全民造星II》 陳勇龍奪「最上鏡大獎」喊爆

08/09/2020 13:57:00
陳勇龍獲「最上鏡大獎」時即喊爆,因為有機會返韓國參賽見到媽咪。
陳勇龍獲「最上鏡大獎」時即喊爆,因為有機會返韓國參賽見到媽咪。

日前《 亞洲模特盛典Face of Hong Kong 2020香港區決賽》全球網上互動直播節目,港韓混血兒23歲陳勇龍(Lung),雖然曾經失落《全民造星II》,但憑187cm嘅model身形加上行天橋表現淡定,最終奪得「最上鏡大獎」,喺疫情過後,有機會代表香港前往韓國與其他國家模特爭奪《亞洲模特盛典Face of Asia》殊榮!

 

陳勇龍去年曾參加 《全民造星II》,不過去年參賽時,選唱林子祥嘅《分分鐘需要你》 就因為自殺式嘅表演方式,慘被評判狠批,不過之後就贏得網民關注,仲話佢可以行諧星路線。

 

經過挫敗滋味,陳勇龍今次得獎後喊爆,接受本報訪問時說:「今次比賽自己真係好努力好認真,花咗好多時間健身同增值自己,亦都透過呢個比賽學到好多嘢,包括待人接物,好感恩識到好多新朋友。」提到得獎後爆喊,問到平時係咪喊包?他卻說:「平時反而好少喊,但今次自己有付出努力得到成果之後,真係忍唔到,加上一諗起媽咪長期住喺韓國,大家好少見面,終於有少少成績,今次可以用比賽嘅名義返韓國見媽咪,希望媽咪可以我為榮!」

陳勇龍係港韓混血兒,身高187 cm,外型樣貎都唔差。
陳勇龍係港韓混血兒,身高187 cm,外型樣貎都唔差。
參賽令他學會待人接物,23歲的他變得成長了。
參賽令他學會待人接物,23歲的他變得成長了。

陳勇龍最開心可以用比賽嘅名義返韓國見媽咪。
陳勇龍最開心可以用比賽嘅名義返韓國見媽咪。
阿龍原來仲係兼職model、乒乓球教練。
阿龍原來仲係兼職model、乒乓球教練。

去年他失落《全民造星II》,被指Hea唱被踼走。
去年他失落《全民造星II》,被指Hea唱被踼走。
其他文章
hd