首頁 即時娛樂

黃雨警告下返舖頭受傷 39歲陸詩韻「爆甲」見紅

15/09/2020 16:30:00
「爆甲」咁大件事梗係要話畀人知啦。
「爆甲」咁大件事梗係要話畀人知啦。

陸詩韻(Sharon)係05年港姐亞軍,演藝事業麻麻,但感情生活好豐富,經常有拖拍,而另一半一定好富貴,所以有富豪追擊手之稱,不過追擊手都有生銹嘅一日,近年冇乜點聽過Sharon拍拖,09年離巢TVB後就轉行做美容,做生招牌應該都幾搵到,仲要愈做愈靚,靚到唔係好認得添。

嘩啲血多到呢。
嘩啲血多到呢。
胡渭康留言叫Sharon小心啲呀,而Ann Ho就嘩一聲表示驚訝,至於Fans就覺得佢好慘慘豬。
胡渭康留言叫Sharon小心啲呀,而Ann Ho就嘩一聲表示驚訝,至於Fans就覺得佢好慘慘豬。

話晒係老闆,Sharon當然會利用社交平台賣吓廣告,好似6D眼睫毛,Sharon聲稱做咗超過3年效果一直都好滿意,仲話「唔使化眼妝,都可以睇落精靈。」不過張相就化咗妝嘅,仲幾濃添。

老闆娘介紹6D眼睫毛,仲話「唔使化眼妝,都可以睇落精靈。」咦,好明顯化咗妝喎。
老闆娘介紹6D眼睫毛,仲話「唔使化眼妝,都可以睇落精靈。」咦,好明顯化咗妝喎。
05年參選港姐時嘅陸詩韻。
05年參選港姐時嘅陸詩韻。

咁作為老闆,Sharon都好親力親為,就算今日天文台發出黃雨警告,全港落雨落到黐晒線都親自落舖頭拎嘢,仲唔小心搞到「爆甲」見紅,手指留血咁大件事當然要影相放上IG吸關心啦,佢話,「落大雨,落車去舖頭攞啲嘢,咁都搞到爆曬甲,好痛啊,我都係唔適宜太操勞。」胡渭康同Ann Ho都表示擔心,一個叫佢小心啲,一個就嘩咗一聲,仲有Fans留言慘慘豬,唔睇相以為佢傷到見骨啊。

39歲嘅陸詩韻扮學生妹。
39歲嘅陸詩韻扮學生妹。
其他文章
hd