首頁 即時娛樂

同湯沛宜齊晒「撞鬼」後瘀痕 林鈺洧為退賽致歉:好似喺死亡邊緣

19/09/2020 11:30:00
Denice和Toto參加ViuTV靈探比賽真人騷《鬼同妳上位》都搞到周身傷。
Denice和Toto參加ViuTV靈探比賽真人騷《鬼同妳上位》都搞到周身傷。

熱播中的ViuTV靈探比賽真人騷《鬼同妳上位》近日成為網上熱話,不少女參賽者都相繼「出事」,其中之一的林俊賢女兒林鈺洧(Denice)在早前播出一集,到已故武打巨星的故居探靈並疑似撞鬼,事後更自爆連續3晚被鬼跟返屋企,搞到她含淚宣告退出比賽。今日凌晨,Denice就於社交網撰長文吐苦水,並晒出雙腿滿布瘀痕的照片,她留言:「退賽我真係十萬個不願意。我從來冇試過放棄任何一個工作機會。就算我嗰日腸胃炎,發燒,我都會頂硬上繼續出job。雖然最後嗰晚我個樣好似冇事,但其實嗰晚發生好多事。去到最尾5分鐘拍攝,我竟然離唔開張凳(櫈),冇力,頭暈,郁唔到,睇所有嘢都喺度震。淨係好驚,覺得好(似)自己係(喺)死亡邊緣。退賽之後到而家我都好後悔,好嬲自己,點解唔頂埋落去。因為清醒嘅我係一定唔會放棄工作。師傅話,啲朋友仔跟晒我返屋企,係想我幫佢哋。但我又諗,我幫咗佢哋,邊個幫返我。我份工已經冇咗。唯有同自己講,可能有某種科學解釋唔到嘅力量警告我,退賽可能真係執返條命。喺呢度同大家講聲對唔住,我太弱,我頂唔到,好對唔住。」

節目中疑似撞鬼的Denice最終宣告退出比賽。
節目中疑似撞鬼的Denice最終宣告退出比賽。
Denice晒出雙腿瘀痕。
Denice晒出雙腿瘀痕。

至於另一參賽者湯沛宜(Toto)亦於節目中遇上靈異事件,她昨晚在IG貼出憔悴自拍及雙手現紅印照,Toto寫道:「拍完#鬼同你上位 出事之後第日起身2隻手紅咗,樣都變埋。好在植咗靚睫毛總算仲有個樣,#有頭髮邊個想做癩痢 #鬼叫你窮呀頂硬上 而加睇番啲相都想喊」

Denice
Denice
Toto都拍到一臉憔悴兼雙手紅晒。
Toto都拍到一臉憔悴兼雙手紅晒。

Toto
Toto
其他文章
hd