首頁 即時娛樂

自製彩虹潮式月餅顯功架 孫慧雪網上開班教整甜品

19/09/2020 12:00:00
阿雪抗疫期間升呢「烘焙達人」。
阿雪抗疫期間升呢「烘焙達人」。

抗疫期間不少人都升呢「烘焙達人」,已為人母的孫慧雪(阿雪)都唔例外,仲不時於社交網晒製成品,又於Facebook、YouTube拍片教大家整甜品。適逢中秋節就到,繼月初分享「紫薯水晶月餅」教學後,阿雪今日凌晨又於IG貼出親手做的潮式月餅—-「彩虹芋頭蛋黃酥」照,見片中的她搓麵團搓得有板有眼,難怪阿雪都決定開個「雪之甜蜜網上烹飪班」授徒,學費港幣500幾蚊有禮物拎,仲可以學齊彩虹芋頭蛋黃酥、水信玄餅、雪崩流心蛋糕、布丁燒、雪媚娘、Tiramisu、Brownie,共7款甜品,認真抵玩!阿雪仲自信滿滿笑稱:「下年直接賣月餅算啦!開咩班啫?#大言不慚系列」

阿雪昨晚在家親手做潮式月餅。
阿雪昨晚在家親手做潮式月餅。
阿雪搓麵團搓得有板有眼。
阿雪搓麵團搓得有板有眼。

塊餅皮好少女、好夢幻。
塊餅皮好少女、好夢幻。
製成品睇落幾Pro,唔知睇得但食唔食得呢?
製成品睇落幾Pro,唔知睇得但食唔食得呢?

阿雪最近仲開網上烹飪班教整甜品。
阿雪最近仲開網上烹飪班教整甜品。
阿雪牌「彩虹芋頭蛋黃酥」。
阿雪牌「彩虹芋頭蛋黃酥」。
其他文章
hd