首頁 即時娛樂

江美儀約黃翠如唐詩詠跑步慶生  黃翠如:跑咗人生第一次7K 

21/09/2020 11:00:00
向來手腳唔協調嘅黃翠如同老友唐詩詠,陪壽星女跑山慶生。
向來手腳唔協調嘅黃翠如同老友唐詩詠,陪壽星女跑山慶生。

噚日係江美儀49歲生日,就快「入五」的江美人經常素顏現身社交網,壽星女唔止皮膚好,身形仲Fit到爆,有賴成日行山,保持運動。

 

江美儀、黃翠如與唐詩詠感情要好,日前唐詩詠提前同她食飯慶生,由於兩人志趣相投,熱愛行山,即再約埋去大尾督主霸行山、跑步,今次仲拉埋平時唔多願郁,唔like做運動嘅「稀客」黃翠如加入。

 

最難得係,唐詩詠於清晨5時半已去到翠如屋企齊齊出發。翠如與詩詠各自在社交平台分享最美日出照片,翠如留言:「有一位這樣的朋友,晨早五點半來到你家門,迫著你去跑步,沿途把水和帽子都給你,就是想你捉緊健康快樂,感謝您。人生第一次7K,我還是不敢相信。#最美的日出」

 

詩詠則留言:「未來的路我,也會像今天陪你跑,只要你一直堅持下去做,那些未來的自己會感謝你的事#晨早6點跑#好叻呀你#咁就跑左7k#爽呀#NT」翠如回覆詩詠:「感謝您,好幸運有您」。

 

而壽星女江美儀發文說:「今日一早起身去迎接新的一歲,我的願望是大家都要身體健康,每日都過得開開心心!好好善待自己#又大一歲」黃翠如也有留言回應:「謝謝美人跑步中陪伴和鼓勵,祝你生日快樂,身體健康,keep住開開心心呀!」

 

喺疫情下,江美儀砌夠4個朋友,行山跑步慶生。
喺疫情下,江美儀砌夠4個朋友,行山跑步慶生。
甚少做運動嘅翠如,喺江美儀鼓勵下跑咗人生第一次7K。
甚少做運動嘅翠如,喺江美儀鼓勵下跑咗人生第一次7K。

唐詩詠於清晨5時半已去到翠如屋企齊齊出發,沿途送上水和帽子,照顧周到。
唐詩詠於清晨5時半已去到翠如屋企齊齊出發,沿途送上水和帽子,照顧周到。
邁向50的江美儀承諾好好善待自己。
邁向50的江美儀承諾好好善待自己。

美儀鏡頭下嘅大尾督主霸日出景色優美。
美儀鏡頭下嘅大尾督主霸日出景色優美。
邁向50的江美儀皮膚保養爬得唔錯。
邁向50的江美儀皮膚保養爬得唔錯。
日前戴上帽子及眼鏡嘅唐詩詠,提前同素顏江美儀食飯慶生,平實嘅詩詠網民話唔認得。
日前戴上帽子及眼鏡嘅唐詩詠,提前同素顏江美儀食飯慶生,平實嘅詩詠網民話唔認得。
喺發哥身邊,江美儀只係跑步初級組員。
喺發哥身邊,江美儀只係跑步初級組員。
其他文章
hd