首頁 即時娛樂

長城晒招牌香肩  溫碧霞難忘老公孭她登城做「好漢」

22/09/2020 14:40:00
溫碧霞盛裝登長城,大晒香肩,仲憶起當年老公孭她上長城拍拖Sweet爆片段。
溫碧霞盛裝登長城,大晒香肩,仲憶起當年老公孭她上長城拍拖Sweet爆片段。

溫碧霞(Irene) 目前仍身在內地馬不停蹄工作,早前偷得浮生半日閒重遊北京故宮,令她在32年前的回憶全部返番嚟,但可惜時間太趕未能登上長城,令她對長城一直念念不忘,日前Irene完成多地工作後,終於折返北京,仲盛裝登上萬里長城影寫真相,大晒招牌香肩,做個性感「好漢」!

 

Irene好開心說:「北京踏入初秋,好舒服呀,我哋到長城嗰日,天氣好到不得了,公司安排咗攝影隊順道喺長城拍攝明年推出嘅國內寫真,好多年冇去長城喇,好雄偉壯觀。」

 

身處壯觀宏偉的萬里長城,Irene憶起當年老公Kenny的甜蜜往事:「記得第一次去長城係拍《中國最後一個太監》嘅時候,拍完通宵戲,然後早上去長城睇日出。第二次去長城係同Kenny去嘅,好記得行上去嘅時候,因為佢見我太累,然後就孭我上去,He is so sweet,時間飛逝,我哋感情依然好好,𠵱家更加懂得珍惜呢段感情,𠵱家當我累嘅時候,佢依然會孭住我,佢係個完美情人。」Irene希望月尾可以通關,返一返香港陪家人過中秋,再返北京灌錄新歌。

唯美溫碧霞盛裝遊長城。
唯美溫碧霞盛裝遊長城。
溫碧霞趁空檔重登長城。
溫碧霞趁空檔重登長城。

溫碧霞喺長城影寫真。
溫碧霞喺長城影寫真。
溫碧霞之前抽空遊故宮。
溫碧霞之前抽空遊故宮。

時至今日溫碧霞仲有埋聽話懂事囝囝。
時至今日溫碧霞仲有埋聽話懂事囝囝。
溫碧霞兩公婆依然恩愛。
溫碧霞兩公婆依然恩愛。
其他文章
hd