首頁 即時娛樂

【頭條獨家】搞網上葡萄酒生意當會友 樂瞳望未來能開實體店

22/09/2020 20:50:00
樂瞳搞網上葡萄酒生意,只望以酒會友,未來最想能開到實體店。
樂瞳搞網上葡萄酒生意,只望以酒會友,未來最想能開到實體店。

樂瞳早前開公司搞網上葡萄酒生意,因幾年前開始跟朋友學飲酒,對葡萄酒產生興趣,於是就開始讀相關課程。去年中更興起做生意念頭,雖然有朋友幫手,但事事親力親為的她坦承似打雜多過老闆娘,而因疫情亦遇上不少困難,不過她自問並非專家,只抱着以酒會友心態,不敢想能很快回本,只望未來能開到實體店。撰文:杜淑霞 攝影:李維隆 髮型:[email protected] Festival Walk 服裝:MZJJ 場地:[email protected] City

樂瞳直言幸運,能夠將演藝工作和葡萄酒兩樣興趣化為事業。
樂瞳直言幸運,能夠將演藝工作和葡萄酒兩樣興趣化為事業。
樂瞳坦承攞晒六位數積蓄出來投資這生意,更笑言預了這些姑婆本當交學費。
樂瞳坦承攞晒六位數積蓄出來投資這生意,更笑言預了這些姑婆本當交學費。




樂瞳形容自己似打雜多過老闆娘,但亦樂在其中,「其實我唔係老闆娘,我係打雜嚟㗎咋!我係一腳踢,客顧服務又係我,前期嗰啲嘢,包裝、揀啲咩紙、全部都係我揀,咩都關我事。不過開心嘅,對於我嚟講呢個唔係辛苦,一個新嘅事業,過程當中都興奮,雖然有啲跌跌撞撞咁樣,所有嘢好新奇。」

樂瞳幾年前去意大利西西里旅行,首次去酒莊參觀,見過葡萄園後令她對葡萄酒產生濃厚興趣。
樂瞳幾年前去意大利西西里旅行,首次去酒莊參觀,見過葡萄園後令她對葡萄酒產生濃厚興趣。
迷上葡萄酒後,樂瞳更專登修讀品酒師課程。
迷上葡萄酒後,樂瞳更專登修讀品酒師課程。




由於屬小本經營,樂瞳以出售平靚正葡萄酒為主,「譬如幾百蚊都可以搵到支好好飲嘅酒,同埋我嗰啲貨係比較少眾,可能啲做法係特別啲,或者限量產嘅細酒莊。」因她會經常推介不同的酒給顧客,雖然暫時未遇上有人挑機,但她都會好小心,「人哋會覺得樂瞳識唔識㗎?可能會質疑我,講真學術方面大把人叻過我,關於酒方面有幾多證書呀!所以我今次做呢個生意嘅身份,想用一個wine lover(葡萄酒愛好者),平時我都鍾意飲酒嘅身份,同大家分享同交流,以酒會友。」




不過樂瞳因經驗不足,搞生意期間亦遇上不少困難,「之前有啲阻滯,會預番長少少嘅運輸時間,呢度有啲困難,始終我係新手,我又預唔到啲貨量,又要預時間運過嚟,變咗有時會冇貨賣,有啲入多咗,有啲又入少咗。」幸好疫情下生意仍算不俗,「成績算唔錯,賺到少少錢,但一路要入貨,都係放返落去,希望慢慢儲多啲客源,最近目標希望快啲開到實體店囉!」

樂瞳之前有搞親自送貨慰勞粉絲,但現在訂單太多未必能親自再送。
樂瞳之前有搞親自送貨慰勞粉絲,但現在訂單太多未必能親自再送。
其他文章
hd