首頁 即時娛樂

疫情緩和終於可探「親」 黃子華陪契仔Jazz踢波

23/09/2020 19:45:00
蘇永康在IG上戴一段囝囝Jazz與契爺子華踢波的短片。
蘇永康在IG上戴一段囝囝Jazz與契爺子華踢波的短片。

蘇永康囝囝蘇展弘(Jazz)嘅契爺係黃子華,可能見疫情緩和,昨日子華就去蘇康家探望契仔,更赤腳陪契仔踢波。

「哎吔兩仔爺」踢波咁過癮,蘇康當然有拍低仲放上網益街坊,並留言:「難得契爺有興趣陪Jazz踢波,大人細路都咁投入,贏輸有乜所謂!感恩。」片中Jazz一身足球小將look,十分可愛,與契爺黃子華互相搓波,功架十足。子華以英文問Jazz,你要上足球堂?蘇康回應,「柴娃娃㗎咋。」而Jazz眼中只有足球,完全無視子華神,非常大膽。

最後子華轉問身旁的蘇康:「上堂要戴住口罩咁踢?」蘇康表示:「我都唔知,應該要。」子華回應:「唔係戴住口罩踢咁慘嘛!」不少網民留言指Jazz長大不少,又對久未露面的子華神展露心心眼,Jazz就好啦,有子華神做契爺真係幸福。

子華特意探訪契仔Jazz,更赤腳陪佢喺屋企踢波。
子華特意探訪契仔Jazz,更赤腳陪佢喺屋企踢波。
蘇永康經常帶Jazz玩戶外活動。
蘇永康經常帶Jazz玩戶外活動。

黃子華與蘇永康相識多年,關係友好,Jazz出世不久便跟子華上契。
黃子華與蘇永康相識多年,關係友好,Jazz出世不久便跟子華上契。
子華非常愛錫契仔Jazz,不時相聚見面。
子華非常愛錫契仔Jazz,不時相聚見面。

黃子華早前為蘇永康拍了一段宣傳影片,名為「契爺的禮物」。
黃子華早前為蘇永康拍了一段宣傳影片,名為「契爺的禮物」。
其他文章
hd