首頁 即時娛樂

【頭條獨家】疫情下大覺悟忘記舊仇 洪永城唔開心事勿放喺心

24/09/2020 17:42:00
Tony疫情下大覺悟忘記舊仇。
Tony疫情下大覺悟忘記舊仇。

由洪永城(Tony)主持及張志明監製的TVB節目《你還好嗎》,探討喺疫情下,東南亞及歐美等地人民嘅生活有乜變化。Tony坦言亦有所啟發,學會要「清空」自己:「呢個疫情,人與人之間好似多咗道門咁,社交係需要距離,但愛同關懷係唔需要距離嘅,發覺仇恨原來都係小事嚟,唔會再擺喺心!」採訪:方騫平

之前拍劇同朱晨麗有誤解,未知Tony會否主動化敵為友呢?
之前拍劇同朱晨麗有誤解,未知Tony會否主動化敵為友呢?
疫情下,Tony好積極做運動,仲會經常同女友去跑步。
疫情下,Tony好積極做運動,仲會經常同女友去跑步。

疫情下,洪永城坦言都有所啟發:「疫情前對朋友及家人忽略咗關懷,所以呢個時候,都有向世界各地朋友發出問候訊息,有啲成十年冇聯絡,之後遍佈世界各地嘅家庭群組嘅互動都會多少少。」問到跟親友疏離會否被誤會紅咗變冷漠?Tony即解畫:「佢哋明白我好忙,不過𠵱家開始諗,點解同親友嘅關係冇以前咁好呢?思考究竟發生過乜事?離唔開一個愛字,最後都係問一句『你還好嗎?』就可以解決到所有障礙。」

Tony呢期愛打坐冥想,因為可以清空心靈。
Tony呢期愛打坐冥想,因為可以清空心靈。
Tony話當下可以做到乜就做,最想去籃球場打返場波。
Tony話當下可以做到乜就做,最想去籃球場打返場波。

一切誤解都係小事
問到會否清除過往嘅誤解化敵為友?Tony坦言嗰啲都係小事:「𠵱家增長咗智慧,好多嘢都唔重要,有緣份就繼續,冇都冇辦法,唔會擺喺個心,原來擺咁多雜物喺個心入面都唔係咁好,要諗辦法去清空自己,令到自己個『背囊』再輕啲,目前無時無刻都接受新嘢,抱住一個正面嘅態度,打坐、冥想都足以清空心靈,除咗早睡早起,仲會參加網上課程進修,唔好畀自己停落嚟。」

Tony預計下年先有劇拍。
Tony預計下年先有劇拍。
Tony未計劃同女友梁諾妍結婚。
Tony未計劃同女友梁諾妍結婚。
因為各地封關,Tony只能喺香港取景拍《你還好嗎》。
因為各地封關,Tony只能喺香港取景拍《你還好嗎》。
「泰國通」胡慧冲負責報道泰國篇!
「泰國通」胡慧冲負責報道泰國篇!
其他文章
hd