首頁 即時娛樂

【頭條獨家】一家四口分枱開餐 老婆被冷落 鄭中基化身「暖爸」只服侍愛女

24/09/2020 21:00:00
日前Ronald帶老婆仔女到淺水灣食Tea,經記者觀察他明顯偏心囡囡多啲。
日前Ronald帶老婆仔女到淺水灣食Tea,經記者觀察他明顯偏心囡囡多啲。

48歲的鄭中基(Ronald)於11年與前有線主播余思敏(Sammie)結婚,Sammie先後為他誕下大女鄭梓喬(Emma)和幼子鄭梓仁(Evan),成家立室後一向爛玩的Ronald從此修心養性,有時間寧願留喺屋企陪家人,非常黐家。日前趁新劇《暖男爸爸》煞科又未使開工,他便帶老婆仔女到淺水灣食Tea,經《頭條日報》記者觀察Ronald明顯偏心囡囡多啲,由揀座位到消毒手仔,Ronald都對Emma照顧周到,是名副其實的「暖男爸爸」,而對住老婆就只顧玩手機,好似搭枱咁,好有老夫老妻Feel。採訪:張詠森

本來Sammie清潔緊對手,Ronald見到即行過隔離枱「搶」消毒液。
本來Sammie清潔緊對手,Ronald見到即行過隔離枱「搶」消毒液。
「暖男爸爸」Ronald幫囡囡消毒雙手,好細心。
「暖男爸爸」Ronald幫囡囡消毒雙手,好細心。

因為新冠肺炎疫情關係,藝人的幕前工作大受影響,鄭中基自去年11月底完成世巡澳門站後便一直留港,說好的廣州個唱亦要無限期押後;至今年3月,悶到Lego都可以影一餐的Ronald索性踩入KOL界,專心經營個人YouTube Channel《機動電視台RTV》,拍片分享唱歌心得、網民翻唱自家歌的Reaction及工作日常等,半年內成功吸引9萬人訂閱。早前Ronald終於「復工」為ViuTV拍攝新劇《暖男爸爸》,該劇預計10月尾播出,近日唔使開工又未使宣傳的他就趁放假做「湊仔公」,盡享天倫樂。

父女撐枱腳
今年9月「開學不上學」,全港學生轉為在家網上教學,不少學校就安排從上午8點Zoom到下午3點,直到本周三(23日)起,中小學及幼稚園才分階段恢復面授課堂。早前下午3時許,一身街坊Look、頭都懶得Set的Ronald就帶埋太太余思敏,以及剛落堂的9歲大女鄭梓喬和5歲細仔鄭梓仁,到淺水灣寓所附近的西餐廳食Tea。由於本月11日前,2人限聚令仍然生效,當日鄭氏一家四口要拆散兩枱坐,經常於IG晒愛女萌照、囝囝幾乎零「單頭」的Ronald,梗係揀同「前世情人」Emma撐枱腳。

太太同愛女調位後,Ronald就埋頭撳電話。
太太同愛女調位後,Ronald就埋頭撳電話。
Ronald撳完電話就專心食嘢。
Ronald撳完電話就專心食嘢。

你當我甚麼
坐低冇耐,眼尾𥄫到Sammie拎出消毒液搓手,Ronald即一個馬步檻去隔離枱,迅速從太太手中「搶」走消毒液,再親自為「小公主」清潔手仔。只可惜,開心嘅時間過得特別快,一點完餐,Evan忽然扭計要同家姐坐,Ronald又係時候同Emma講Bye-Bye,「今世情人」Sammie隨即補上,兩個小朋友就食Burger食得好開心,鬼馬精靈的Emma仲豎晒拇指又舉V,○氹到細佬哈哈笑;反觀隔離枱,冇囡陪的Ronald頓時變得好失落,自己一個耷低頭撳手機,就算嘢食送到嚟,他也只掛住大啖大啖密密吃,其間Sammie都有撩老公傾偈,但Ronald反應一般,咁大細超㗎!

兩個寶貝一齊坐,Emma向細佬豎起拇指。
兩個寶貝一齊坐,Emma向細佬豎起拇指。
之後Emma又舉V,𠱁到細佬好開心
之後Emma又舉V,𠱁到細佬好開心
Sammie都有撩老公吹水,惜Ronald冇乜反應。
Sammie都有撩老公吹水,惜Ronald冇乜反應。
Evan企喺爹哋隔離食嘢,但Ronald似乎雙眼只有囡囡。
Evan企喺爹哋隔離食嘢,但Ronald似乎雙眼只有囡囡。
Ronald與Sammie於2011年結婚,育有大女Emma和幼子Evan。
Ronald與Sammie於2011年結婚,育有大女Emma和幼子Evan。
相隔18年,Ronald回歸視壇,接拍ViuTV劇集《暖男爸爸》。
相隔18年,Ronald回歸視壇,接拍ViuTV劇集《暖男爸爸》。
Ronald經常於IG貼Emma萌照。
Ronald經常於IG貼Emma萌照。
私下Ronald仲任呢位「前世情人」魚肉,,早前更畀對手囡囡任搽指甲油,真係錫到個女燶!
私下Ronald仲任呢位「前世情人」魚肉,,早前更畀對手囡囡任搽指甲油,真係錫到個女燶!
其他文章
hd