首頁 即時娛樂

【邊煮邊傾】楊千嬅拒做怪獸家長 谷祖琳著重身教

25/09/2020 12:09:00
楊千嬅親自炮製烹飪節目,頭炮請來谷祖琳邊煮邊傾湊仔樂。
楊千嬅親自炮製烹飪節目,頭炮請來谷祖琳邊煮邊傾湊仔樂。

楊千嬅在抗疫期間享受其烹飪樂趣,不時將煮食片段上載到社交平台分享,千嬅最近更開設YOUTUBE頻道「MY LIVE TV」《千言.慢煮》節目,每集邀請不同嘉賓邊煮邊傾。頻道明(26日)晚8時正式上架,頭炮請來谷祖琳(小谷)任嘉賓,齊分享在職媽媽的心德及湊仔樂,千嬅更煮出囝囝Torres最愛食的蛋包飯。

對於做媽咪的為了工作而未能專心照顧子女可會有些內疚感?小谷認為不應因此而自責,即使24小時陪著亦不代表是好事!她覺得身教才是最重要。千嬅自言為人母初期很緊張,她形容好似讀兒童心理學一樣,有時她反省會不會逼得太緊呢?她堅拒做怪獸家長!千嬅覺得現在時代不同,大家追求的境界比以前高。她笑說:「其實要贏在起跑線係有啲大鑊,有時令到家長會諗多咗!」

小谷這個民主媽咪認為不能過份照顧子女,因為有時她見到女兒十分依賴,做任何事也伸手叫人幫手。她說:「有次女兒用ZOOM上堂做功課,遇上不懂的問題便大叫來問我,其實有時我都唔識點解答,我叫佢去問SIRI(手機語音助理)啦!我雖然係你阿媽,不過我唔係一定叻過你,依家啲教學方法同以前唔一樣。」
千嬅、小谷認為在職媽媽未能全天候照顧子女,所以對老公亦一樣,有時可能會疏忽了他們,做老公的又有否投訴呢?千嬅說:「個仔發燒我會好緊張,如果燒到40度我會成個人癲晒,不過老公會冷靜啲,等個仔好返丁生(丁子高)會話其實我都會發燒㗎!」小谷笑謂,丁子高是想嗲吓老婆而已!小谷又說:「有啲朋友嘅老公係會詐型,話仔女出世後就冇理過佢,如果佢同我講就一定同佢開拖,我會好嬲,因為娶個老婆返嚟咁緊張你啲仔女,要跪喺度拜多謝佢啦,唔該啲老公醒扒啲,幫老婆分擔吓,唔好搞咁多嘢!」

千嬅的頻道明晚上架。
千嬅的頻道明晚上架。
千嬅第一集煮包蛋飯是囝囝最愛。
千嬅第一集煮包蛋飯是囝囝最愛。

小谷鬧爆愛詐型的老公咪搞事。
小谷鬧爆愛詐型的老公咪搞事。

其他文章
hd