首頁 即時娛樂

帶病開工巧遇發哥 蔣家旻即刻成個人醒晒

25/09/2020 17:30:00
蔣家旻今日在中環拍攝新劇《換命真相》時巧遇發哥。
蔣家旻今日在中環拍攝新劇《換命真相》時巧遇發哥。

國際巨星周潤發(發哥)出名熱愛行山,不少行山友經常「野生捕獲」發哥,他亦樂於跟大家selfie,成了行山界的吉祥物。


不過要「野生捕獲」發哥同撞鬼一樣都好講緣份,蔣家旻今日在社交平台分享《換命真相》劇組與發哥的合照,表示昨日喺中環拍外景前,一直有偏頭痛,唔想靠藥物止痛,唯有痛住開工,加上皮膚敏感,令佢非常唔舒服。幸好拍攝地點附近有皮膚科醫生診所,喺休息時間就去咗睇醫生,期間巧遇發哥,原本又頭痛又皮膚敏感嘅佢,頭痛冇晒,成個人都精神晒,新嘅一樣。

早前電影《無雙》到台北宣傳,發哥帶領記者朋友到陽明山行山。
早前電影《無雙》到台北宣傳,發哥帶領記者朋友到陽明山行山。
「鮑姐」鮑起靜與好友定時會與相約發哥行山。
「鮑姐」鮑起靜與好友定時會與相約發哥行山。


蔣家旻見到發哥真係好驚喜,睇吓佢喺社交平台點寫,「超幸運!唔洗(使)行山都見到發哥!發哥呀!今次仲唔到我集郵!?成個人呆咗 興奮 心跳加速 成身熱咗 紅都面晒!就係咁 頭痛短時間停咗!成個人突然醒咗!今日既通告係值得架!感恩感恩,多謝發哥!」最後仲hashtag「發哥可唔可以返嚟幫我醫頭痛」

張振朗早前也找發哥集郵,發哥更表示有留意他演出。
張振朗早前也找發哥集郵,發哥更表示有留意他演出。
張艾嘉劉嘉玲早前相約發哥到城門水塘行山。
張艾嘉劉嘉玲早前相約發哥到城門水塘行山。

行山友巧遇發哥,發哥都會大方合照。
行山友巧遇發哥,發哥都會大方合照。
其他文章
hd