首頁 即時娛樂

【頭條獨家】陳恩碩籌辦網上抗疫音樂會 鄭丹瑞陳潔靈出力相助

25/09/2020 17:12:00
鄭丹瑞和陳潔靈坦承因疫情關係,好多工作都被迫叫停。
鄭丹瑞和陳潔靈坦承因疫情關係,好多工作都被迫叫停。

鄭丹瑞(旦哥)和陳潔靈(MissChanChan)將於9月27日演出陳恩碩(Tom)導演的《我們的青春日誌》網上抗疫音樂會。陳恩碩坦承因音樂劇《我們的青春日誌》受疫情影響,上演57場後被迫煞停,眼見合作班底苦況,決定搞網上音樂會幫助該劇班底及其他劇場自由身工作者紓困。旦哥和MissChanChan有感有意義而出力相助,而他們坦承因疫情而被迫轉型及趁機為身心叉電。撰文:杜淑霞 攝影:譚壹致 場地:爆炸戲棚

旦哥和MissChanChan覺得音樂會好有意思而答應演出。
旦哥和MissChanChan覺得音樂會好有意思而答應演出。
阿 Tom坦承音樂劇本來預計演到11月,因疫情煞停令工作班底生計大受影響。
阿 Tom坦承音樂劇本來預計演到11月,因疫情煞停令工作班底生計大受影響。




阿Tom解釋今次音樂會不算慈善騷,只望為同業紓困,「今次冇伙拍慈善基金去做,因慈善基金會少不免有啲行政費,我哋唔想大大隻字寫住慈善咁偉大,當我哋做一個自己嘅Concert啫,只不過攞啲收益嚟幫到幾多人就幾多人,但到時未必幫到,因唔知收益有幾多,所以我哋冇用慈善呢啲字眼。」

旦哥和MissChanChan都讚陳恩碩年青有為,令他不禁尷尬面紅。
旦哥和MissChanChan都讚陳恩碩年青有為,令他不禁尷尬面紅。
旦哥欣賞陳恩碩才華,所以一直為音樂劇《我們的青春日誌》擔任顧問。
旦哥欣賞陳恩碩才華,所以一直為音樂劇《我們的青春日誌》擔任顧問。




音樂會將由音樂劇《我們的青春日誌》當中抽出13首歌來演繹,旦哥負責打頭陣,而MissChanChan就壓軸演出。由於旦哥是該音樂劇顧問,但MissChanChan本身沒有參與該音樂劇也答應演出,阿Tom和旦哥就踢爆搵對方演出內情,「上年首演時有邀請過MissChanChan做校長個角色,但當時佢有工作撞咗期(旦哥:所以唔係𠵱家先諗,係一早諗咗搵佢)。」MissChanChan就坦言覺得音樂會有意義而幫手,「因為舊年佢哋搵過我,但個期配合唔到,所以旦哥打畀我嘅時候,我知呢件事,對首音樂又有啲印象,我覺得好有意思就答應。」



疫情下,旦哥和MissChanChan工作大受影響,旦哥說:「但係我個人唔停得,所以轉型喺網上做節目。」MissChanChan亦說:「真係停工,回復返年少輕狂嘅時候,有去玩又有進修,工作就係準備中。不過,呢個時間大家唔想遇到,但亦都係一個好好嘅時機,畀大家停落嚟檢視吓自己,咁多年嚟為工作,冇乜時間同屋企人一齊,或者自己進修,呢個係一個身心叉電嘅時間。」

音樂劇《我們的青春日誌》綵排時,已受疫情影響要全程戴口罩。
音樂劇《我們的青春日誌》綵排時,已受疫情影響要全程戴口罩。
音樂劇幾位主角Ben Sir(歐陽偉豪)、杜小喬和譚永浩,都會演出音樂會。
音樂劇幾位主角Ben Sir(歐陽偉豪)、杜小喬和譚永浩,都會演出音樂會。
其他文章
hd